Madaxweyne Shariifka oo la kulmay wakiillo ka socday Sh Xasan Daahir.Aways lana sheegay in uu ka mid yahay Sheekh Yuusuf Indha-cadde.
Sida ay caddaynayaan warar Dayniile uu ka soo xigtay ilo lagu kalsoon yahay ayaa sheegaya in Madaxweynaha dhowaan la doortay ee Dalka Soomaaliya Sheekh Shariif Sheekh Axmad uu dhowan la kulmay xubno tiradoodu dhan tahay 15 oo siyaasad ahaan u janjeera dhinaca Sheekh Xasan Daahir Aways.
Kulankaan oo qayb ka ah dadaallada uu madaxweynuhu ku doonayo in uu kula kulmo dhinacyadii ay horay isku aragtida ahaayeen balse ay ku kala fogaadeen qaababkii loo maray sidii ciidamadii Ethiopia Dalka loogaga saari lahaa.ayaa sida ay warbixinnadu nagu soo gaareen lagu macneeyay in ilaa iyo xad laysku af-gartay.
Warbixinta kulankaan la xariirta oo Dayniile Khadka isgaarsiinta lagu siiyaya ayaa intaasi ku daraysa in xubnahaasi 15 ah ee ka socday dhinaca Sheekh Xasan Daahir Aways ay ka mid ahaayeen Sheekh Yuusuf Maxamed Siyaad (Sheekh Yuusuf Indha cadde) oo ka mid ah madaxdii ay muddada aan soo xusnay kala fogaadeen Shariifka Madaxweynaha loo doortay .iyadoo ay warbixintu intaasi ku darayso in uu sidoo kale ka mid ahaa xubnahaasi 15 ah sheekh kale oo la dhashay Sheekh Xasan Daahir oo aan magaciisa naloo cayimin.iyadoo dhinaca kalana aysan warbixintu si toos ah u caddayn meesha kulankaasi ka dhacay iyo cidda qabashadiisa gacanta ka gaysatay waloow ay jiraan hadal hayno tilmaamaya in uu fududeeyay Sheekh Abuukar Cumar Caddaan uuna kulanku ka dhacay Magaalada Muqdisha ,sidoo kalana aysan caddayn arrimaha laga heshiiyay iyo qodobbada lagu heshiiyayba .
http://www.dayniile.com/Feberuary2009/11Feberuary10.htm
