Sunday, 07 June 2009 00:07
Warar aan ka helay ilo xog ogaal ah ayaa sheegaya in Shiikh Yuusuf Kabo Kudukade oo ka mid ahaa hogaamiyeyaasha sare sare Ururka Mujaahidiinta Al-shabaab ayaa ku geeriyooday magaalada Muqdisho.
Shiikh Kobo kudukade oo si weyn looga yaqaano Magaalada Muqdisho ayaa wararku ku darayaan inuu horkaacayey dagaaladii ugu danbeeyey ee ka dhacay Waqooyiga Muqdisho, iyado sida la sheegayo maalinimadii Khamiista uu ku geeriyooday dagaalo dhex maray ciidamada Dowlada iyo kuwiisa agagaarka Siinaay.
Shikh Yuusuf Kobo kudukade ayaa lagu yiqiin inuu ahaa mujaahid soo halgamay, isla markaana gacan weyn ka geystay la dagaalankii ciidamadii Ethiopia isagoo dhulka soo riday Diyaaradii Helkopterka ahayd ee ay la ahayd ciidamada Ethiopia xiligii dowladii Cabdulaahi Yuusuf.
Sidoo kale wuxuu Shiikh Kobo Kudukade ahaa xiligii Midowgii Maxaakiimta ee uu utalin jiray Shiikh Shariif, Taliyihii Saldhiga Wardhiigleey.
Wararka ayaa intaa ku daraya in sidoo kale uu geeriyooday Abuu Xamza, isagoo ku geeriyooday dagaalada Muqdisho ka dhacay.
Dhimashada labadaani masuul ayaa dhabar jab ku noqonaya kooxda Xarakada mujaahidiinta Al-shabaab oo si weyn ugu kalsoonaa isla markaana ay ahaayeen niman si weyn utababaran oo aad looga baqo.
Wariye Madax Banaan
Shire Yusuf Maxamed
\n shireyusufmohamed@yahoo.comThis e-mail address is being protected from spambots. You need JavaScript enabled to view it
http://www.soomaalidamaanta.com/sm/inde ... =1:wararka
