Sheekh Xasan Dahir oo Khudbad uu kaga hadlay midowga Ururkiisa iyo Alshabaab ka jeediyay Masjid ku yaal Suuqa Bakaaraha
Hogaamiyaha Ururka Xisbul Islaam Sheekh Xasan Dahir Aweys oo khudbad ka jeediyay Masjidka Abuu-Hureyra ee ku yaal Suuqa Bakaaraha ayaa salaadii jimcaha kadib ka sheegay inuu jiro qorshayaal ku aadan sidii ay u midoobi lahaayeen ururkiisa iyo Xarakada Alshabaab.
Sheekh Aweys ayaa beeniyay wararka ku saabsan inuu jiro khilaaf u dhaxeeyay Xisbul Islaam iyo Shabab, kaasoo salka ku haya arrimo ku aadan dagaalka iyo la wareegistii Labadii nin ee Faransiiska.
"Waxaa jira isku dayo ku aadan sidii loo mideyn lahaa Mujaahidiinta, hal meelna looga soo wada jeesan lahaa"ayuu yiri Sheekh Xasan Dahir Aweys oo cadeeyay in isku dayga socda uu yahay sidii ay Midow u noqon lahaayeen iyaga iyo Shabaab.
Mar uu ka hadlay dagaalada socda ayaa ku tilmaamay kuwo si xaq u socda oo aanu marna istaagi doonin, isagoo intaa ku daraya in hada tahay guushu mid gabo gabo ku dhow sida uu hadalka u dhigay.
Khudbada Sheekh Xasan Dahir oo aheyd mid siyaasadeysan ayaan la ogeyn halka ay ku biya shuban doonto,iyadoo la ogsoon yahay in xiriir aan qoto dheereyn inuu ka dhaxeeyo Xisbul Islaam iyo Shabaab oo hada ku mideysan dagaalada ka socda Muqdisho.
Hoyga wararka Somaliyed
www.Jowhar.com
Jowharcom@hotmail.com
Jowharcom@gmail.com
When u hear this talk about uniting the two camps,it means that the weaker group fully joins the stronger group,alshabaab always said they will not recognize xisbul islam or any other group.
