SomaliNet Forums

Mahad Canbaashe Iyo Malayshiyo Uu Wato Oo Duulaanku Ah Gobolka Cayn.
Written by Jidbaale.com
Wednesday, 21 October 2009 10:53
Dhabansaar(Jidbaale.com):-Wararka aanu ha helayno deegaanka dhanbansaar oo waqooyi kaga began magaalada Laascaanood ayaa waxa ay sheegayaan in ay halkaas ku sugan yihiin malayshiyo uu wato ninka lagu magacaabo Mahad Canbaashe oo mudooyinkii ugu danbaysay Horgal daacad ah u ahaa malayshiyada Hargeysa.

Mahad Canbaashe ayaa lagu sheegay hawshan uu wado mid ay iska kaashanayaan isaga iyo Horgal Ibrahim Caydiid Dhabdhable kaas oo ku wajahan gobolka Cayn iyo nawaaxigiisa, waxaana arrimahani ka danbeeyeen markii dhawaan magaalada Nairobi loogaga dhawaaqay Hogaan ay yeelanayaan beelaha Dhulbahante kaas oo ay doonayaan in ay deegaankooda kaga sifeeyeen malayshiyada Hargeysa iyo wixii ay iska soo horaysiiyaanba.


Mahad Canbaashe ayaa ahaa ninkii hore gacanta ugu galiyey Malayshiyada Hargeysa Col. Dayr Cabdi Iska Toos, markii ay weerar kuq aadeen ciidamo deegaanka u dhashay oo ku sugnaa halkaasi.

jidbaale.com jidbaale.com@gmail.com This e-mail address is being protected from spambots. You need JavaScript enabled to view it

LAASCAANOOD: Maamulka Somaliland oo ciidammo soo daabulaya Gobolka Sool, dhaqdhaqaaqna bilaabay
Posted to the Web Oct 20, 08:10


Laascaanood (PP) - Maamulka Soomaliland ee xooga ku haysta Gobalka Sool ayaa waxa ay dhaq dhqaaq ciidan ka wadaan Gobalka Sool ee Magaalada Lascaanood iyadoo ciidamo horlehna ku soo daabulaya Jiida hore ee ay horay ugu sugnaanaayeen Ciidamo ka amar qaata Maamulka Soomaliland ee sida sharci darada ah ku haysta shacabka Laascaanood.

Dhaq dhaqaaqaan ciidan oo ay wadaan Ciidamada Somaliland ayaa waxaa ay dhoolo tusyo kala duwan ka sameynayeen Wadada dheer ee isku xirta Lascaanod iyo wadada waqooyin iyagoo ciidamo hor leh ku soo daabulayaa gudaha magaalada iyo jiida hore ee ayaa ciidamadu maleeshiyaad ah ay ugu horay ugu badnaayeen

Dhoolotusyadaan ayaa waxaa ay ku wajahan yihiin diyaar garow ay wadaan Ciidamadu iyagoo dhawaaqa hubka kala duwan laga maqlayo magaalada laascaanood iyo nawaaxigeeda wallow ay jiraan in dhawaan ay imaan doonaan wafti ka socday shirkii dhawaan ay beesha dhulbahante ku yeesheen Magaalada Nayrobi ee Dalka kenya shirkaas oo looga dhawaaqay In dib loo xoreeyo Gobalka Sool oo uu maamulka Somalilanad xooga ku qabsaday 15 Okt 2007.

Xaaladan ayaa kusoo beegmatay xilli dadka deegaamada SSC Waxgaradkooga iyo aqoonyahankooguba ay isku raaceen xoraynta deegaamada laga haysto iyo midnimo beeleed taasoo keentay in xaalad cusub ay soo wajahdo maamulka haysta caasimada Gobalka ee Laascaanood.

Warar lagu kalsoonyahay ayaa sheegaya in deegaamo dhowra oo ku yaala Gobalka ay oo lagu magacaabo Dhabansaar oo ku taal meel u dhaxaysa Laascaanood iyo Buuhoodle halkaasoo warku sheegayo in ciidamadu ay difaac ka sameysteen,sidoo kale waxaa lasoo sheegayaa in Madaxwaynaha maamulka Somaliland uu kulamo la qaatay qaar kamid dadka deegaankan oo ah kuwa gobolka uga shaqeeya kuwaasoo amaro degdega siiyay sidii ay u waajihi lahaayeen Buuhoodle oo cabsida ugu badan ay hada ka hayso.
Ugu dambeyntii dhaq-dhaqaan Ciidan ayaa ku soo beegmatay xili ay Gobalada Sool Sanaag iyo Cayn ay ku soo wajahan yihiin waxgaradkii dhawaan shirku uga socday Naryrobi kuwaas oo ku dhawaaqay Xoraynta Gobalada SSC.

Maamulka Somaliland ee Xooga ku haysta Magaalad Laascaanood, ayaa cabsi xoogan la soo deristay kaddib markii Garaadka Guud ee Beesha Garaad Jaamac uu ku goodiyey inay iska xoraynayaan Xoogaga haysta.

Siciid C/salaan Siciid
Wakiilka Puntlandpost-Puntland
E-mail loole15@hotmail.com

there are still same empty space in Mandheera!

Yawle wa marodigi...