Xildhibaano ku sugan degmada Dolow ee gobolka Gedo oo sheegay in Beesha Caalamka ay kala arinsadeen u sameynta Maamul goboleedyo koofuta dalka Soomaaliya.
Xildhibaano katirsan Baarlamaanka KMG ee Soomaaliya islamarkaana ku sugan degmada Dolow ee gobolka Gedo ayaa waxa ay sheegeen in Beesha Caalamka ay kala tashteen u sameynta Maamul goboleedyo koofuta dalka Soomaaliya.
Mas’uuliyiin katirsan dowladda KMG ee Soomaaliya oo isugu jira Xildhibaano Baarlamaanka KMG ka tirsan iyo Mas’uuliyiintii maamuladii dowladda KMG ee ka arimin jiray gobolada Koofurta Soomaaliya ee fadhigoodu yahay degmada Dolow ee gobolka Gedo ayaa waxa ay qaar kamid ah Mas’uuliyiintaasi ka hadleen halka uu u marayo sameynta Maamul goboleed ay doonayaan in ay ka hirgaliyaan koofurta Soomaaliya.
Xildhibaan Maxamuud Sayid Aadan oo xubin ka ah Baarlamaanka dowladda KMG ee Soomaaliya islamarkaana qeyb ka ah Mas’uuliyiinta dowladda KMG ee degmada Dolow kawada dar dar galinta Maamul goboleed la doonayo in laga hirgaliyo 6-gobolo oo kuwa Koofurta Soomaaliya ah ayaa waxa uu sheegay in wadatashiyada ay la leeyihiin qeybaha kala duwan ee Bulshada meel fiican uu u marayo.
Mudanahani waxa uu carabka ku dhuftay in gudigii ka koobnaa 21-ka Xubnood oo bilo ka hor ay sameeyeen Mas’uuliyiinta dowladda ee degmada Dolow ku sugan ee loo xilsaaray Wadatashiyada iyo qabanqaabada Maamul goboleedka ayuu sheegay Xildhibaanku in meel fiican ay marayaan islamarkaana sidoo kale wadatashiyo ay la sameeyeen Beesha Caalamka sida uu sheegay Maxamuud Sayid Aadan oo xalay Shabelle waraysi siinayay.
Hase ahaatee Xildhibaan Maxamuud Sayid Aadan waxa uu intaasi ku daray in howlaha ay u joogaan degmada Dolow ay tahay howlaha dowladda KMG ee Soomaaliya islamarkaana ay ku howlanyihiin arimo Fadaraaliisim dowladana ay ku mashquulsantahay wax ka qabashada arimaha amaanka.
Mar wax laga weydiiyay baaqii Gudoonka Baarlamaanka ka soo yeeray oo ahaa in Xildhibaanada ka maqan magaalada Caasimada ah ee Muqdisho ay ku soo xaroodaan Xarunta Baarlamaanka ee magaalada Muqdisho ayaa waxa uu sheegay in mar hadii Baarlamaanka Fadhiga Kooramka uu buuxsamo wixii go’aan ah ee ay gaaraan ay ku raacsanyihiin kuwa maqan.
Si kastaba ha ahaatee mas’uuliyiinta dowladda KMG ee degmada Dolow ku sugan ayaan la ogeyn qaabka ay ugu guulaysan doonaan sameynta Maamul goboleedyo qaban qaabadiisu ay wadaan iyadoo taasina ay ka horeyso sidii ay gacantooda dib ugu soo celin lahaayeen gobolada Koofurta Soomaaliya oo hada ay maamulaan Xarakada Mujaahidiinta Al Shabaab.
Makhamiinta came to us when we were setting up our Galmudug and thanks to the Qadriyaah and Ayatollah Abdi Hassan Awale, we kicked their arses out of Galmudug.
