Somalia's military chief/leader Major General Cabdiqadir Cali Diini and AMISOM saraakil has come to Puntland yesterday, and they have agreed to sent 2000 AMISOM troops to Puntland.
Wafdi u Hogaminayo Taliyaha Ciidamada Somalia Gen.cabdiqadir Cali Diini iyo saraakil Amisom ka socota oo Puntland garay
Waxaa magaalada Garowe ee caasimada Puntland ku sugan wafdi ka kooban 10 xubnood oo ka socda taliska ciidanka Amisom ee hawlgalka u jooga Muqdisho iyo saraakiil ka tirsan militariga DKMG ah.
Wafdigan oo Khamiistoo gaaray magaalada Garowe ayaa waxaa hogaaminaya taliyaha ciidamada militariga DKMG Gen C/qaadir Sheekh Cali Diini, waxaana xubnihiisa ka mid ah illaa saddex sarkaal oo ka socda ciidamada Uganda iyo Burundi ee hawlgalka Amisom ka tirsan.
Sidoo kale waxaa xubnaha wafdigan ka mid ah labo sarkaal oo Kenyan ah iyo dhakhaatiir la sheegay inay baaritaano caafimaad ku sameynayaan ciidamo la sheegay in Puntland laga qaadi doono si loogu soo tababaro Uganda.
Ujeedada socdaalka wafdigan ayaa lagu micneeyey inay maamulka Puntland kala hadlayaan sidii loo meelmarin lahaa heshiis Puntland iyo DKMG ah ku gaareen in ciidamo ka tirsan Puntland loogu soo tababaro wadamada ay DKMG ka hesho deeqaha dhanka tababarada.
Warar hoose oo Shabakada Raxanreeb ka heshey ilo wareedyo ku dhow madaxtooyada Garowe ayaa sheegaya in arimaha kale ee socdaalkan ku jira ay ka mid yihiin sidii ciidamo ka socda Puntland uga qeybqaadan lahaayeen weerar la doonayo in DKMG iyo Ahlusuna ay ku qaadi rabaan gobolka Hiiraan si looga sifeeyo ururka Al-Shabaan gobolkaasi gacanta dawladana loogu soo celiyo.
Imaanshaha wafdiga ka socda iyo saraakiisha militari ee DKMG ayaa ah markii ugu horeysay oo ay gaaraan deegaanada Puntland tan iyo intii uu bilawday hawlgalka Amisom sanadkii 2007. waxaana imaanshaha wafdigan laga qariyey warbaahinta sababo lagu micneeyey dhanka amniga.
Ma jirto war rasmi ah oo wafdigan iyo Puntland illaa hadda ka soo saareen kulamo ay saacadihii la soo dhaafay ku wada yeesheen labada dhinac xarunta madaxtooyada Garowe.
—————————
Faroole urges AMISOM to sent troops to Puntland, and AMISOM have accepted Faroole's request.
Maamul Goboleedka Puntland ayaa wuxuu shaaca ka qaaday in laba kun oo askari oo Amisom ah ay imaan doonaan deegaanada Puntland, si’ay uga qeyb qaataan dhinaca amniga Puntland oo xilliyadii ugu dambeysay sii xumaanaayay.
Afhayeenka Cusub ee Maamul Goboleedka Puntland Mudane Axmed Cumar Xersi “Libaax Joore”, oo warbaahinta shir jaraa’id ugu qabtay magaaladda Garoowe ee Gobolka Nugaal, ayaa wuxuu shaaca ka qaaday in deegaanada Puntland ay imaan doonaan laba kun oo askari oo Amisom ah.
Afhayeenka ayaa wuxuu sheegay in labada kun ay ka kala imaan doonaan wadamada Uganda iyo Burundi, isla-markaana wuxuu sheegay inay ku imaan doonaan amar ka soo baxay Madaxweynaha Maamul Goboleedka Puntland Dr C/Raxmaan Sheekh Maxamed Maxamuud “Faroole”.
Mudane Axmed Cumar Xersi “Libaax Joorre”, ayaa wuxuu tilmaamay in deegaanada Puntland ay ku sugan yihiin saraakiil ciidan oo ka kala soco, Amisom iyo Dowladda uu hogaamiyo Mudane Shariif Sheekh Axmed, wuxuuna sheegay in dhinaca ammaanka ay ka wada hadleen.
Libaax Joorre ayaa wuxuu xaqiijiyay in saraakiisha Amisom ay ogolaadeen baaq uu u horey ugu jeediyay Madaxweynaha Puntland, oo ku aadan in laba kun oo askari oo Amisom ah ay yimaadaan deegaanada Puntland, si’ay ammaanka uga qeyb qaataan.
Sidoo kale wuxuu xusay in Dowladda Uganda ay ogalaatay, in Ciidamadda Maamulka Puntland lagu soo tababaro gudaha dalka Uganda, isla-markaana wuxuu qeexay inay taasi si weyn u soo dhaweynayaan, ayna uga mahad-celinayaan.
Waa markii ugu horeysay oo uu Maamul Goboleedka Puntland sheego, in Ciidamadda Midowga Afrika ay imaan doonaan deegaanada Maamul Goboleedka Puntland, inkastoo aysan Puntland cayiman meelo gaar ah.
This is a great news for Somalia