Dowladda FKMG ah ee Soomaaliya ayaa soo dhaweysay soo gelitaanka Ciidamada Itoobiya qeybo ka mid ah soomaaliya waxayna sheegtay Dowladda in ay soo dhaweynayso cid kasta oo gacan ku siinaysa la dagaalanka Argigixisada ama al shabaab.
Wasiirka Gaashaandhigga ahna R/Wasaare ku xigeenka ayaa soo dhaweeyay cid walba oo gacan ku siineysa la dagaallanka kooxda Al-Shabaab haddii aysan ku xadgudbeynin qarannimada Soomaaliya.
Xuseen Carab Ciise Wasiirka Gaashandhigga Somaliya dhawaan Magaalada Adis ababa kaga qeybgalay shirkii lagu go'aamiyay in Itoobiya ka mid noqoto dalalka ciidamada u dira soomaaliya ayaa soo dhaweeyay soo gelitaanka Ciidamada Itoobiya Gobolada dalka isagoo sheegay in ay iska kaashan doonaan dagaalka ay kula jiraan al shabaab.
Dowladaha deriska waxay leeyihiin hal cadaw oo ah al shabaab, Ethiopia waxaa waajib ka saaran yahay in ay Dowladda soomaaliya ka caawiso la dagaalanka al shabaab, waana soo dhaweynaynaa soo gelitaankeeda soomaaliya ayuu yiri Wasiirka Gaashandhigga Xuseen Carab oo saaka Wariyaasha kula hadlayay Garoonka Diyaaradaha Muqdisho kadib markii uu ka soo laabtay safaro uu ku tagay Nairobi iyo Adis ababa.
Ciidamada Ethiopia ayaa shalay waxay soo galeen Gobolada Galgaduud iyo Hiiraan iyagoo saakana la sheegay in ay kuu socdaan Magaalada Guriceel.
Waxaa xusid mudan la cadeeyo waxaa Ethiopia Madaxweyne Shariif iyo ragga la shaqeeya ay u ogaaladan maanta iyagoo shalay ama 2006 markii Dowladdii jirtay ee C/llaahi Yuusuf madaxda u ahaa ay la timaaday Ciidamada Itoobiya si ay u xasiliyaan dalka Soomaaliya uu inta badan shacabka Soomalaiyeed iyo Madaxweynaha xilligan ee Sh.Shariif ugu eedeyn jireen in dalka ay soo geliyeen cadaw raggii arrintaas ku eedeyn jiray ay manata usacaba tumayaan soo galida ciidamada Ethiopia.
Hadaba ma shalay bey saxsanaayeen Shariif iyo Taageerayaashiisa mise maanta waa arrin la yaab leh oo kuu ifineysa halka xaalku ka khaldanyahay.
