Sheekh Maxamed Yuusuf Xeefow oo horkacaaya ciidamo xoogan ayaa wuxuu gaaray Magaaladda Caabudwaaq ee Gobolka Galgaduud, iyadoo dhinaca kalana laga cabsi in dagaalo hor leh ay ka dhacaan.
Gudoomiyaha Guddiga Golaha Fulinta ee Culima’udiinka Ahlu Sunna Wal Jameeca Sheekh Maxamed Yuusuf Xeefow iyo ciidamo uu hogaaminaayo, ayaa waxay maanta gaareyn Magaaladda Caabudwaaq ee Gobolka Galgaduud, iyadoo si diiran loogu soo dhaweeyay.
Gudoomiyaha oo Caabudwaaq u yimid sidii meesha looga saari lahaa mid ka mid ah Xubnaha Baarlamaanka Soomaaliya, oo ku fara-adeegaaya joogista Magaaladda Caabudwaaq, ayaa wuxuu Xeefow uu soo jeediyay in xoog magaaladda looga saaro.
Sheekh Yuusuf Maxamed Xeefow ayaa wuxuu soo jeediyay inaanan wax dulqaad ah loo-muujin Xildhibaan Cabdi Xafiid Sacdi Jaamac, waa haddii uu diido’e inuu isaga baxo Magaaladda Caabudwaaq ee Gobolka Galgaduud.
Ciidamadda uu hogaaminaayo Xeefow ee soo gaaray magaaladda Caabudwaaq, ayaa waxay ku hubeysan yihiin noocyada kala duwan ee hubka iyo gawaarida dagaalada oo dhawr qeybood isugu jira.
Sidoo kale waxaa laga cabsi qabaa in dagaalo ay markale isaga hor-yimaadaan Ciidamadda Ahlu Sunna Wal Jameeca iyo dagaal-yahano u daacad ah Xildhibaan Cabdi Xafiid Sacdi Jaamac, kuwaa oo iyagu si weyn uga hor-yimid Ciidamadda Ahlu Sunna.
Xildhibaan Cabdi Xafiid Sacdi Jaamac ayaa wuxuu Magaaladda Caabudwaaq uu ka bilaabay kahor inta aysan dagaaladii shalay bilaaban, inuu kullamo joogta ah uu la-qaato dadka deegaanka, isagoo uga kasbanaaya inay taageeraan, taasoo ay ka gil gillatay Al Sunna.
