SomaliNet Forums

Dagaal Hada Kasocda Dhuusa Mareeb

Daafeet.com(Muqdisho)Wararka naga soo gaarayo Magaalada Dhuusa Mareeb ee Xarunta Gobalka Galgaduud ayaa waxa ay sheegayaan in dagaal u kasocdo Magaaladaasi kaasi oo udhaxeeya Maamulka Ururka Ahlusuna iyo sido kale Ururka Alshabaab oo halkaasi weerar ku qaaday

Dagalka ayaa ah mid hada ka dhaxsocda gudaha Magaalada Dhuusamareeb iyadoona labada dhinac ay isku adeegsanayaan hub kala duwan

Alshabaab ayaa weerarka dagaalka waxa ay ku qadeen dhuuso mareeb waqtiga xalay marka uu ahaa 4:00 habeenimo

Lama ogaan karo qasaaraha ka dhasha Dagaalka laakin wararku waxa ay tilmaamayaan in Magaalada gudaheeda dadkii kunoola halkaasi ay isaga barakaceen kuwaas oo ubaxsaday Dhanka Magaalooyinka kale

Dagaalka hada waxa uu kasocdaa Magaalada Dhuusamareeb gudaheeda Ahlasuna ayaa wararku waxa ay sheegayaan in gurmad ciidan uu uga yimid dhanka Magaalada Caabudwaaq

Alshabaab ayaa la sheegay in ay iyaguna wateen ciidan aad ufara badan kuwaasi oo usuura gashay in ay galaan guadah magaalada dhuusa mareeb

Dagaalka xoogiisa ayaa hada waxa uu kasocdaa xaafada waaberi oo katirsan magaalada dhusamareeb

Ma,aha markii ugu horaysay ee Alshabaab ay weerar ku qaadaan Magaalada Dhuuso Mareeb ee Gobalka Galgaduud

http://daafeet.com/index.php?news=5096

Dagaalyahannada Ahlusunna Waljamaaca oo dib ula wareegay degmada Dhuusa-mareeb ee Gobolka Galguduud

Talaado, Maarso 20, 2012 (HOL) — Wararka xiligan ka soo baxaya degmada Dhuusa-mareeb ee xarunta gobolka Galguduud ayaa sheegay in gacan ku heynta degmada mar kale la wareegeen xoogagga Ahlu Sunna Waljameeca oo saakay waabarigii hore ay ka sareen dagaalyahannada Al-shabaab.

Xoogagga Ahlu Sunna Waljameeca oo ku hubeysan gadiidka dagaallka iyo ciidamo aad u xoogan kana kala yimid qeybaha gobollka ka kooban yahay ayeey wararku sheegayaan in ay dhowr jiho ka soo galeen degmada Dhuusa-mareeb, hasse ahaatee ma jiro wax dagaal ah oo ku dhaxmaray labada dhinac gudaha degmada, kadib markii ay Al-shabaab isaga sii baxeen degmada ka hor inta aysan soo gaarin xoogaga Ahlu Sunna Waljameeca.

Wariye ku sugan degmada Caabud-waaq oo si toos ah ula socday xaalada degmada Dhuusa-mareeb ayaa HOL u sheegay in saacadihii koobnaa oo ay ku sugnaayeen degmada xoogagga Al-shabaab ay gudaha u galeen shirkado iyo goobo ganacsi oo gaar loo lahaa, waxaana ay wararku intaa ku darrayaan in horay u sii kaxeysteen gadiid ay shaqsiyaad gaar ah lahaayeen.

Dagaallka labada dhinac saakay waabarigii hore ku dhaxmaray xoogagga labada dhinac, ayaa sababay dhimashada ilaa Todobo ruux oo ka kala tirsanaa dhinacyada iska horyimid, walibana ma jirto faah faahin ka badan intaa oo ka hadllaya khasaaraha ka dhashay dagaallkii saakay.

Ma’aha markii ugu horeysay oo ay sidan oo kale gudaha degmada Dhuusa-mareeb ay soo galaan dagaalyahannada kooxda Al-shabaab, laakiin waqti kooban kadib haddana waxaa ay gacan ku heynta degmada mar walba dib ugu soo laaban jirta xoogagga Ahlu Sunna Waljameeca.

C/raxmaan Diini, Hiiraan Online

http://hiiraan.com/news/2012/Mar/warark ... -17359.htm