Suufis are too weak. This is the 20th time in which Dhuusomareeb has been captured by murtaddiinta.
Wararkii ugu dambeeyay Dhuusa Mareeb, Ahlusuna iyo Shabaab oo guulo ka sheegtay
Warar dheeraad ah ayaa ka soo baxaya dagaalo faraha looga gubtay oo in ka badan 5-saacadood ka socdeen Magaalada Dhuusa Mareeb iyo daafaheeda, kadib markii saaka waabarigii dagaalyahano ka tirsan Shabaab duulaan ku soo qaadeen.
Inkastoo Xaalad degenaansho ka jirto magaalada, hadana dagaalkii saaka socday ee ilaa barqadii maanta soo gaaray ayaa waxaa ka dhashay dhimasho iyo dhaawac, waxaana ku dhintay ku dhowaad labaatan dhinacyadii dagaalamayay.
Gurmad xoogan oo Ahlusuna uga yimid deegaanada Guriceel, Caabudwaaq iyo Xeraale ayaa dagaal ku rogaal celiyay, iyagoo dib ula wareegay magaalada.
Afhayeenka howl galada Shabaab Sheekh C/casiis Abuu Muscab ayaa sheegay in dagaalka ay ku dileen ilaa 15-ka tirsan dagaalyahanada Ahlusuna, ayna qabsadeen lix gaadiidka oo ay ku jireen saddex ka mid ah gaadiidka dagaalka.
"Howl galka saaka Mujaahidiinta ku qaadeen Dhuusa Mareeb waxaa laga gaaray hadafkii laga lahaa, weyna isaga soo baxeen, waxaan ku qaniimeysanay lix gaadiid oo saddex tikniko aheyd, saddex waa kuwa raaxada ah, waxaa ka dilnay Maleeshiyadii Mushrikiinta 15 ka mid ah"ayuu yiri Abuu Muscab.
Ka sokow dagaalka Dhuusa Mareeb ku qabsadeen Shabaab waxaa jiray dagaal kale oo ka dhacay inta u dhaxeysa Guriceel iyo Dhuusa Mareeb, kadib markii jidka ay ugu galeen gurmad ka yimid Guriceel, waxaana dagaalkaas ka dhashay dhimashada ugu badan.
Dhinaca kale Gudoomiyaha degmada Dhuusa Mareeb Cismaan Ciise Taar-dhuleed ayaa sheegy inay dileen ilaa 29-dagaalyahano, ayna gaadiid dagaal uga qabsadeen, waxaana uu beeniyay in aanay jirin in Al-Shabaab iskood uga baxeen magaalada.
"Xoog ayaan uga saarnay, ma jirin iskood inay uga bazxeen, wax xun baa ku dhacay, waxaa kuu sheegayaa meydadkooda in haatan la is dul saaray, horay waa u imaan jireen, wixii ay ka heli jireen oo dhimasha ah, taasna waa heleen"ayuu yiri Mr Taar-dhuleed.
Waxaa uu qiray in gaadiid dagaal looga qabasaday oo uu ka xusay gaari uu saaran yahay qoriga lidka diyaaradaha ee Zuuga loo yaqaano.,
Warar soo baxaya ayaa sheegaya inay jiraan dad ay horay u wateen Shabaab oo dadka deegaanka, waxaana la sheegay in dhowr qof gacanta Shabaab ku maqan yihiin, halka qaarna ay soo daayeen, waxaa sidoo kale jira gaadiid dad rayid degenaayeen oo ay qaateen.
Dagaalkii maanta ka dhacay Dhuusa Mareeb ayaa ahaa kii ugu qasaaraha ballaarnaa ee ka dhaca Magaalada Dhuusa Mareeb, waxaana uu yahay mid Al-Shabaab ay xilli aroor ah weerarka qaadeen, bedelkii ay xilliyadii hore dagaalka qaadi jireen xilliyada casir liiqii.
