Pres. Hassan's Faith Advisory group-
Posted: Wed Oct 03, 2012 1:04 am
MUQDISHO (RBC) Madaxweynaha Soomaaliya Xasan Sheekh Maxamuud ayaa qorsheynaya dhismaha guddi culimaa’udiin oo ka kooban culimada ugu caansan dalka kuwaasoo loo sameyn doono xafiis ay dawlada kala taliyaan.
Sida ku cad qorshaha 100-ka maalmood ee dawlada cusub oo nuqul ka mid ah ay heshay Shabakada Raxanreeb waxaa madaxweynaha iyo xukuumada cusuba ay xooga saari doonaan labo qodob oo aad u waaweyn kuwaasoo dadka qaarkiis ay ku tilmaameen kuwo ahmiyad weyn leh haddii sidooda loo fuliyo.
Qorshaha 100-ka maalmood ee xukuumadda cusub iyo madaxweynaha ayaa dhigaya in awooda koowaad ee dawlada la isugu geyn doono sugida amaanka dalka iyadoo sida qoraalka ku cad ay qeyb ka tahay dhismaha ciidan awood leh oo looga maarmi karo ciidamada AMISOM ee dalka hadda jooga iyo dib u dhaqancelinta maleeshiyaadka leexsan ee ku dhex jira ciidamada dawlada.
Dawlada ayaa qorsheyneysa in ay kaalmo weydiisato dawlado ay ugu horeyso Turkiga iyo qaar Carab ah sida Masar iyo Qadar si ay dhaqaalaha iyo qalabka ciidanka lagu tababarayo ay uga bixiyaan, sidaasi waxaa Raxanreeb u sheegay saraakiil madaxooyada ku sugan.
Qorshaha 100-ka maalmood ee dawlada madaxweyne Xasan Sheekh oo Raxanreeb ay heshay ayaa sidoo kale qeexaya in markii ugu horeysay la isu keenayo culimada diinta ee Soomaaliya laga yaqaano kuwaasoo loo sameyn doono gole ay ku mideysan yihiin si ay dawlada uga talobixiyaan waxyaabaha ku saabsan dhanka diinta. Warar lagu kalsoon yahay ayaa sheegaya in madaxweynuhu rabo in culimadan ay ka qeybqaataan olole weyn oo dhalinyarada iyo guud ahaan Soomaalida dal iyo dibad joogta loogu sharaxayo in dagaalada ay wadaan Al-Shabaab iyo Al-Qaacida inay yihiin kuwo hareermarsan diinta Islaamka iyadoo ay arintaasi sharaxaad ka bixinayaan culimo waaweyn oo dadku dhageysan karaan.
Sida qorshaha ku cad, waxaa dhismaha golaha fatwada ee culimada Soomaaliyeed ku xiga in dawladu bilawdo qorshe dib u heshiisiin poo lagu micneeyay “mid sal ballaaran” isla markaana meel hoose oo illaa qabiil iyo qoys loogu heshiinayo si loo xalliyo dhibaatada dheeraatay ee Soomaaliya.
Qorshaha dib u heshiisiinta ee dawlada laguma xusin sida dawlada cusub ee madaxweyne Xasan Sheekh Maxamuud u wajaheyso wadahadalkii furnaa ee u dhexeeyay dawladii ku-meelgaarka ahayd iyo maamulka Somaliland oo weli ku doodayo inuu yahay maamul ka go’ay Jamhuuriyada inteeda kale.
Sida ku cad qorshaha 100-ka maalmood ee dawlada cusub oo nuqul ka mid ah ay heshay Shabakada Raxanreeb waxaa madaxweynaha iyo xukuumada cusuba ay xooga saari doonaan labo qodob oo aad u waaweyn kuwaasoo dadka qaarkiis ay ku tilmaameen kuwo ahmiyad weyn leh haddii sidooda loo fuliyo.
Qorshaha 100-ka maalmood ee xukuumadda cusub iyo madaxweynaha ayaa dhigaya in awooda koowaad ee dawlada la isugu geyn doono sugida amaanka dalka iyadoo sida qoraalka ku cad ay qeyb ka tahay dhismaha ciidan awood leh oo looga maarmi karo ciidamada AMISOM ee dalka hadda jooga iyo dib u dhaqancelinta maleeshiyaadka leexsan ee ku dhex jira ciidamada dawlada.
Dawlada ayaa qorsheyneysa in ay kaalmo weydiisato dawlado ay ugu horeyso Turkiga iyo qaar Carab ah sida Masar iyo Qadar si ay dhaqaalaha iyo qalabka ciidanka lagu tababarayo ay uga bixiyaan, sidaasi waxaa Raxanreeb u sheegay saraakiil madaxooyada ku sugan.
Qorshaha 100-ka maalmood ee dawlada madaxweyne Xasan Sheekh oo Raxanreeb ay heshay ayaa sidoo kale qeexaya in markii ugu horeysay la isu keenayo culimada diinta ee Soomaaliya laga yaqaano kuwaasoo loo sameyn doono gole ay ku mideysan yihiin si ay dawlada uga talobixiyaan waxyaabaha ku saabsan dhanka diinta. Warar lagu kalsoon yahay ayaa sheegaya in madaxweynuhu rabo in culimadan ay ka qeybqaataan olole weyn oo dhalinyarada iyo guud ahaan Soomaalida dal iyo dibad joogta loogu sharaxayo in dagaalada ay wadaan Al-Shabaab iyo Al-Qaacida inay yihiin kuwo hareermarsan diinta Islaamka iyadoo ay arintaasi sharaxaad ka bixinayaan culimo waaweyn oo dadku dhageysan karaan.
Sida qorshaha ku cad, waxaa dhismaha golaha fatwada ee culimada Soomaaliyeed ku xiga in dawladu bilawdo qorshe dib u heshiisiin poo lagu micneeyay “mid sal ballaaran” isla markaana meel hoose oo illaa qabiil iyo qoys loogu heshiinayo si loo xalliyo dhibaatada dheeraatay ee Soomaaliya.
Qorshaha dib u heshiisiinta ee dawlada laguma xusin sida dawlada cusub ee madaxweyne Xasan Sheekh Maxamuud u wajaheyso wadahadalkii furnaa ee u dhexeeyay dawladii ku-meelgaarka ahayd iyo maamulka Somaliland oo weli ku doodayo inuu yahay maamul ka go’ay Jamhuuriyada inteeda kale.