Back to the drawing board.
Hawiyeland and Isaaqland failed to agree on anything such as unity/secession except the following points below:
Madaxweynayaasha Soomaaliya iyo Somaliland oo Heshiis Iskaashi ku kala saxiixday Magaalada Ankara ee Dalka Turkiga
Sabti, Abriil 13, 2013 (HOL) — Madaxweynaha Soomaaliya, Xasan Sheekh Maxamuud iyo madaxweynaha Somaliland, Axmed Maxamed Maxamuud (Siilaanyo) ayaa heshiis iskaashi ku kala saxiixday magaalada Ankara ee xarunta dalka Turkiga, kaddib wadahadallo saacado qaatay oo ay maanta ku yeesheen halkaas.
Heshiiskan oo ka kooban toddoba qodob ayaa waxaa ka mid ah in Soomaaliya iyo Somaliland ay wadaagaan deeqaha dibadda laga helo iyo inay kawada shaqeeyaan ammaanka labada deegaan ee ay ka kala taliyaan.
Qodobbada lagu heshiiyay ayaa waxay kala ahaayeen:
In lasii wado wadahadallada u dhexeeya labada dhinac
In qodobbadii kasoo baxya shirarkii London iyo Dubai ee horay logu heshiiyay la dhowro
In beesha calaamku ay ka taageerto dhinaca farsamada wadhadallada sii soconaya ee u dhexeeya Soomaaliya iyo Somaliland
In si wadajir ay dhinacyadu ay uga shaqeeyaan sugidda ammaanka iyo tababarrada
In labada dhinac ay wadaagaan deeqaha caalamka laga helo, gaar ahaan kuwa ay Soomaaliya hesho
In saddex bilood gudahood lagu qabto dalka Turkiga shir kale oo lagu dhameystirayo qodobbadii intii uu shirkan socday la isku af-garan waayay
In labada dhinac ay joojiyaan hadallada xanafta leh ee wax u dhimi kara qodobbadan lagu heshiiyay iyo sii socoshada wadahadallada
Heshiiskan oo lagu saxiixay madaxtooyada dalka Turkiga ayaa waxaa dhinaca dowladda Soomaaliya u saxiisay wasiirka arrimaha gudaha iyo amniga Qaranka, C/kariin Xuseen Guuleed, iyadoo dhinac Somaliland uu u saxiixay wasiirka arrimaha dibadda, Maxamed Cabdullaahi Cumar.
Intii uu shirku socday ayaa waxaa labada dhinac ay isku mari waayeen dhowr qodob, kuwaasoo aan la shaacin, waxaase warar hoos ay sheegayaan in qodobbadaas ay ka mid ahaayeen midnimada Soomaaliya oo ay Somaliland kasoo horjeesatay.
