Thursday May 23, 2013 TWITTER FACEBOOK PRINT THIS PAGE SEND TO YOUR FRIEND
Hargeysa (Horseednews.com) Xukuumadda Somaliland ayaa markii ugu horaysay, ka hadashay qorsheheeda ku aadan Hindise Maamulka Puntland doonayo inuu Doorashooyin kaga hir-geliyo deegaamada Bariga Sanaag, taasoo Xukuumaddu ku tilmaantay mid aan la aqbali karin, dadka deegaamadaasina si weyn uga soo horjeedaan. Wasiir ku-xigeenka Macdanta iyo Biyaha Somaliland Cabdisalaan Maxamed Xasan oo todobaadkanba Booqasho shaqo ku joogay Deegaamada Bariga Sanaag, ayaa Dawan u sheegay in
“Waxaan Safar ku soo maray deegaamo badan oo ka mid ah Bariga Sanaag, waxaanan u kuur-geliyay Xaalada dadka deegaanka oo runtii waxoogaa db u dhac ahi ka muuqdo adeegyada arrimaha Bulshada, dadka shacabka waxa kale oo aanu kala hadalnay sidii ay isaga fogayn lahaayeen daan-daansiga Puntland wado ee Doorashooyinka ay doonayaan inay ka qabtaan deegaanadaasi, markaa waanu isku afgaranay dadkuna way soo dhaweeyeen arintaasi, waxaanay diyaar u yihiin inay ka hortagaan Doorashooyinkaa Puntland aniguna dawlad ahaan waanu ku Taageeraynaa, waxaana naga go’an inaanu amaanka dhulkayaga sugno oo aan lala soo gelin wax amni daro abuuraya.”ayuu Sheegay.
Sidoo kale, Wasiir Cabdisalaan wuxuu Digniin u diray Maamulka faroole “Maamulka Puntland waanu uga digaynaa inay isku dayaan inay Doorashadooda iyo waxaas ay wataan Deegaamada Bariga sanaag la yimaadaan Badhan oo aan Iminka joogo iyo Lasqoray oo aan u warhayo iyo dhamaan Dhulka aan Safarka ku soo marayna meel walba dadku way ka feejiganyihiin anaguna waxaanu kula dar-daaranay inay iska jiraan wixii Khaakhuul keenaya, Hay’adaha amaanka ee Gobolkuna waa u diyaar inay ka hortagaan wixii nabad-gelyada Bulshada wax u dhimaya”.
Cabdisalaan Maxamed Xasan ayaa sidoo kale amaanay sidii quruxda badnayd ee ay Bulshada Gobolku uga qayb-qaateen Dabaal-degyada Xuska 18 May, waxaanu taasi sababeeyay Xogo-gaal u noqoshada xaalada Bulshada oo ay xukuumaddu kordhisay Bilhii ugu dambeeyay iyo rabitaankooda Wadiyadeed oo marba marka ka dambeysa sii siyaadayada, sida uu sheegay.
waxaanu yidhi “Dadka Deegaamada Bariga Sanaag markaad eegto teegaarada ay dawladooda u hayaan waxaad ka garan kartaa sidii ay ugu soo baxeen Xuskii 18 May, oo ay ahayd markii ugu horaysay ee ay sidan oo kale ugu soo baxaan, Masuuliyiinta Qarankuna kala qayb-galaan, wax kalena taasi kumay iman ee waa ka war heynta iyo la joogista mar walba aanu la joogno ee aanu la socono Xaaladooda, waxaanan rejaynaynaa inaanu wax ka qaban doono wixii dib u dhac ah ee jira horena waxa looga fuliyay mashriic, kuwo Iminka u baahan wax ka qabasho oo aanu rejaynaynaana way jiraan”.
Could this trigger fistfight between the punanis and somalidiids
