Ardayda la gudoonsiiyay Shahaadooyinka ayaa gaarayay ilaa 80-arday oo isugu jiray, wiilal gabdho iyo odayaal da'ah, taasoo muujineysa in waxbarashada ay tahay muhiim.
Xildhibaan Maxamed Sh. Cali (Oobo) oo ugu horeyn ka hadlay xaflada ayaa sheegay in waxbarashadu ay muhiim tahay, isagoo ku amaanay in dadka da'da ah ee ka qalin jebiyay Machadka sida ay ugu dhiiradeen inay wax bartaan.
Sidoo kale waxaa ka hadlay Munaasabada Xaaji Abuukar Aweys oo ka mid ah odayaasha dhaqanka beelaha banaadiriga, kaasoo xusay in waxbarashadu ay waajib tahay in lagu dadaalo, isagoo tibaaxay in la iska dhaafo waxyaabaha aan qiimaha laheyn.
Intii ay socotay Xaflada ayaa waxaa lagu soo bandhigay Ruwaayad ka hadleysay qiimaha ay leedahay waxbarashada, waxaana aad ula dhacay ruwaayada marti sharaftii ka qeyb gashay xaflada
Ugu dambeyn waxaa munaasabada ka hadlay Maamulaha Machadka Marwaas Tech-
Computer Center Al-Ustaad C/Qaadir Siidow Ibraahim ( Garwaal) oo sheegay inuu ku faraxsan yahay in maanta ay qalin jebiyaan arday isugu jirta dhalinyarada iyo kuwa da'da ah, waxaaa uu tilmaamay in Machadka Marwaas uu deeq waxbarasho lacag la'aan u fidiyay dhalinyaro jecel inay wax bartaan.
Maamulaha Machadka Marwaas Tech-Computer Center ayaa amaan u jeediyay macalimiinta kala qeyb qaadatay dadaalka waxbarashada iyo soo saarida dhalinyaro fir fircoon oo bartay culuunta kala duwan.
