Tan iyo markii uu xilka Madaxweynenimada ku guuleeystay Hassan Mohamud Alasow waxaa hoos u dhacay awoodii saami qeybsiga ee beesha HABARGIDIR ku laheyd dowladda dhexe ee Somalia.
Sida taariikhda ku qoran labada beel ee Hawiye ugu tirada badan ,uguna tunka weyn waa HABARGIDIR iyo ABGAAL.
Laga soo bilaabo Abdiqasim Salaad Hassan markii uu Madaxweynenimada ku guuleeystay ilaa Shariif Sheekh Ahmed waxay labada beelood lahaayeen xeer ku saleeysan awood qeybsi.
Abdiqaasim Salaad wuxuu Wasiirka Arrimaha gudaha ka dhigay Dahir Dayax oo u dhashay beesha Abgaal,wuxuu sidoo kale Abgaal Cismaan siiyay jagooyin Wasiiro iyo ku xigeeno.
Abdullahi Yusuf Ahmed markii uu Madaxweyne noqday wuxuu Ra’isulwasaare ka dhigtay Cali Mohamed Geedi oo beesha Abgaal u dhashay.
Cali Geedi oo fulinaya xeerka awood qeybsiga ee labada beelood wuxuu Ra’isulwasaare ku xigeen ahna Wasiirka Arrimaha gudaha Somalia ka dhigay Hussein Mohamed Farah Caydiid oo HABARGIDIRA.
Markii Hussein Caydiid laga qaaday xilka waxaa xilkiisii loo magacaabay Mohamed Mohamud Gacmadheere oo u dhashay beesha HABARGIDIR.
Nuur Cadde markii Ra’isulwasaaraha loo magacaabay wuxuu Wasiirka Arrimaha gudaha ka dhigay Mohamed Mohamud Gacmodheere,sidoo kalena bilooyin kadib wuxuu Nur Cadde Wasiirka Warfaafinta iyo Ra’isulwasaare ku xigeen u magacaabay Ahmed Cabdi Salaan oo Habargidira.
Shariif Sheekh Ahmed oo beesha Abgaal u dhashay markii uu Madaxweynenimada Somalia ku guuleeystay wuxuu Ra’isulwasaare u magacaabay Cumar Cabdirashiid Cali Sharmaarke.
Cumar Cabdirashiid Cali Sharmaarke wuxuu Wasiirka Arrimaha gudaha iyo amniga Qaranka u magacaabay Cabduqaadir Cali Cumar oo beesha Habargidir u dhashay.
Mohamed Cabdullahi Farmaajo markii Ra’isulwasaare laga dhigay wuxuu Wasiirka Arrimaha gudaha iyo amniga Qaranka u magacaabay Cabdishakuur Shekh Hassan oo u dhashay Habargidir.
Wasiir Cabdishakuur markii la dilay waxaa xilkiisii loo magacaabay wiil uu Sheekh Mohamud dhalay oo lagu magacaabo Cabdi Samad Macalin Mohamud Sheekh Hassan.
Markii Cabdiwali Gaas noqday Ra’isulwasaare waxaa xilkii dib loogu magacaabay isla Wasiir Cabdi Samad Macalin Hassan.
Hassan Mohamud Alasow markii uu Madaxweynenimada ku guuleeystay wuxuu Ra’isulwasaare u magacaabay Cabdi Faarax Shirdoon {Saacid}.
Ra’isulwasaare Saacid wuxuu Wasiirka Arrimaha gudaha iyo Amniga Qaranka u magacaabay Cabdikariim Hussein Guled oo beesha Habargidir u dhashay balse ka tirsan Urur diimeedka Damu jadiid,uuna adeer yahay Madaxweyne Garguurte.
Mudadii Cabdikariim Guled hayay xilka Wasiirka Arrimaha gudaha iyo amniga Qaranka waxaa lumay awoodii beesha Habargidir ,waxaana indheergaradka beesha lagula kacay tacadiyo iyo gefaf bahdilaad u dhigmay.
Habargidir kama jawaabin gefafkaas,waxaana falalkii dhacay oo dhan laga dhaxlay in xilkoodii awood qeybsiga loo magacaabo nin u dhashay beesha Xawaadle,iyadoo beelweyntii Habargidir la siiyay Wasiirka Amniga Qaranka oo aan la ogeyn wuxuu ka dhigan yahay.
Habargidir mudo dheer waxay u dagaalameysay inay qabtaan talada sare ee dalka sida Madaxweyne ama Ra’isulwasaare hasse yeeshee waxay afar iyo labaatan sano kadib maanta waayeen kursigii Wasiirka Arrimaha gudaha Somalia.
Wasaaradaha ugu waaweyn Xukumadda waxay kala yihiin:-
1-Wasaaradda Arrimaha gudaha,waxaa la siiyay Xawaadle Hawiye.
2-Wasaaradda Maaliyadda waxaa la siiyay Ogaadeen ,Daarood
3-Wasaaradda Gaashaandhiga ,waxaa la siiyay Jilible Raxanweyn
4-Wasaaradda Arrimaha dibadda,waxaa la siiyay Gadabuursi ,Dir.
Madaxweyne Garguurte iyo kooxdiisa Damu Jadiid waxay Habargidir u heleen maqaarsaar ku qanacsan xilkii loo magacaabo,isagoo aaminsan qadiyada guud ee Xarakadooda.
Abgaal Cismaan waxay ku fadhiyaan sanadahii ugu dambeysay kursiga Madaxweynenimada iyo Ra’isulwasaaraha.
Habargidir Xilsare waxaa ugu dambeeyay Cabdi qaasim Salaad.?
Dowladda Somalia waa Federal, Habargidir waxay degaan Galgaduud,Mudug,Hiiraan,Shabeelada hoose,Jubooyinka iyo Sool.hadana waxaa mudnaan laga siiyay beel degta degmooyin ka tirsan hal gobol.
Guuxa beesha Habargidir wuxuu ku saabsanaa maanta rajo laga qabo inuu is casilo Wasiir Cabdikariim Guled hasse yeeshee taas aniga kuma riyoon.
Hadii xaalku sidaas yahay ? maalmahii Habargidir miyaa dhamaaday mise waan mooday?
Jawaabta kama hordhacayee Habargidir iyo adeerkood baan ku daayay,waana loo joogaa?
By Dahir Alasow
Email:
dahir.alasow@waagacusub.net
@ me being anzeloti gtfoh.
