Muqdisho (Xogsom) — Dhawaan degmooyin dhaca goboladda dhexe ee dalka waxaa ka dhacay dagaallo u dhexeeyay Ciidamo taabacsan dowladda iyo kuwa la magacbaxay Alsufo oo ka goystay Urur Diimeedka Ahlu Sunna.
Dagaalka waxaa sida muuqaneysay uu salka ku hayay cidii Maamuli laheyd degmooyinka muhiimka ah ee Dhuusamareeb iyo Guriceel oo ay dagto Beesha Ceyr, kana mid ahaa meelaha ugu nabadgalyada badan dalka.
Marka si hoose loo fiiriyo colaada hada soo cusboonaatay Galgaduud iyo Mudug waxa ay ku biyo shubaneysaa isjiid-jiid ku aadan Maamulka loo dhisayo gobolada dhexe, kaasi oo yagleelidiisu ay dhib ku tahay Maamulo kale.
Colaalada gacanta ugu daran ee hurineysa waa Puntland oo aan arki karin maamul ay hogaanka u hayaan Hawiye oo ka hanaqaada gobolada Mudug iyo Galgaduud, kaasi oo hadii la dhiso uu noqonayo midkii ugu horeeyay ee Hawiye yeesho.
Qabiilka Habargidir oo ah kuwa ugu fir-fircoon qadyad ahaan Hawiye ayaa noqon doona kuwa hogaanka u qaban doona Maamulka gobolada dhexe, taasina waxa ay keeni kartaa in Marjeerteen uusan ka helin wax kasta oo ay ka rabaan gobolada dhexe.
Editor-in-chief at Xogsom Media
Editor-in-chief at Xogsom Media
In colaada Gobolada dhexe Puntland hurineyso waxaa cadeyn u ah in siyaasiyiin iyo xubno ka soo jeeda Puntland ay ku sugan yihiin Dhuusamareeb iyo Guriceel kuwaasi ku hoosnool hooska Ahlu Sunna.
Waxaa jira Ninka Wakiil uga ah C/wali Gaas gobolada dhexe isla markaana u qaabilsan in aan umada Hawiye iyo dadka kale ee ku dhaqan Mudug iyo Galgaduud aysan dhisan maamul ay ku mideysan yihiin.
Ninkan oo leh saameyn siyaasadeed oo muuqata waxaa lagu magacaabaa Cabdulaahi Cabdi Maxamed “Cabdulaahi Gureey” waxa uu ka tirsan yahay guddiga talada Ahlu Sunna, laakiin shaqadaas daacad kama aha ee waxa uu ku howlan yahay dib u dhigida iyo burburinta umada Mudug iyo Galgaduud.
Ujeedka ay Puntland dhaqaalo iyo hanta ugu hureyso colaada gobolada dhexe ayaa waxaa ugu muhiimsan in aan dagakada Magaalada Hobyo oo ah mid taariikhi ah aan la furin.
Aqoon yahan Mustaf Nuur Guuleed oo ka soo jeeda gobolada dhexe ee Soomaaliya ayaa waxa uu cadeeyay in Puntland ay ka danbeyso dagaalka ka socda gobolada dhexe ee Soomaaliya.
“Aniga waxaan xog ogaal u ahay in dagaalkaasi dhaqaale ay ku bixinayso Puntland, taa oo ay uga jeedo in aan la furin dekada Hobyo, lana dhisin maamul loo dhan yahay oo ay leeyihiin Shacabka Gobolada Dhexe” ayuu yiri Mustaf Nuur Guuleed.
Ugu danbeyntii umada reer Mudug iyo Galgaduud waxa looga baahan yahay in ay dhulkooda dib u fiiriyaan oo ay taageeraan dib u dhiska iyo nabad ku noolaasha la doonayo in la helo.
Dalka waa uu ka tagay Maleeshiyo meel maamusha, waxaan loo baahan yahay in umada gobolada dhexe ay sidaa ogaadaan, lana taageero dowladnimada hada bilaabaneysa.
