WEERARKA FULEYNIMADA AH EE BIDDAHA PUNTLAND WAFTIGA SOMALILAND EE DHAHAR KU QAADEY SAAKA,JAWAABTIISU WAA IN AY GAROOWE NOQOTO!!!
Waxa hambalyo iyo bogaadinba muteystey Geesiyada Ciidammada qaranka Somaliland iyo Muwaadiniinta Degaanka, ee sida Weeraha dabada uga dhacay dhafoor qiiqleyaashii gaadmo fuleyga kula soo beegsadey wafdigii uu Wasiirka qorsheyntu horkacayey, halkaana kaga qabsadey gaadhiga technikada ah, sida layaabka lehna ugu dhigay deriska fiican iyaga oo weliba ka qabsadey dhul aad u balladhan welina dabada kaga jira.
Biddaha Puntland ee shalay baqaha uu kaga baxsanayey Cabdillaahi yuusuf dalkani badbaadiyey ee beryahanba meheradda ka dhigtey in uu dhulka Somaliland kolna maleeshiyo ku weeraro, kolna sharikado kula saxeeda in ay macdan iyo shhidaal ka baadhaan, waxa la gaadhey waqtigii itaalkiisa xun la tusi lahaa.
Somaliland wax badab bay dul qaadatey, iyada oo xeerineysay, jaarnimada, waayo aragna ku ah, waxa ka dhasha colaadaha oo shicibka labada dhinacba uga tudheysey waxyeello aan loo baahneyn. Marse haddii Madaxdii waddankan si ku talagal leh loo soo weeraray oo aan arrintan wax ka hooseeye Cadde muuse aanu goyn karin hawlgalkeeda, Jawaab ka yar Garoowe uma cuntamayso Muwaadiniinta Somaliland.
Afar sano ka hor, Madaxweynaha Dalka ayey Maleeshiyadanu ku weerartey laas-Caanood, inkasta oo cadaab laga waraabiyey haddana waxa loo tudhay bulshada Degmadaas dhibaato ka gaadha dagaal sii socda, iyada oo ay somaliland rajo ka qabtey in uu Cadde muuse dhab isu eego tamartiisa dhabta ah.
Nasiib-darro, dulqaadkan oo uu u arkay jileyc iyo fuleynimo, ha dambarsado maantaba, waxa aannu ka abhineyney ilaa waqtigaas. Somaliland xaq muqaddas ah ayey u leedahay in ay Dalkeeda iyo Muwaadinkeedaba difaacdo, oo aan ku ekaaneyn xuduuudda Dawliga ah, ee sida Maraykankuba uga ugaadhsanayo cid kasta oo Dalkiisa wax u geysatey meelkasta, annana aanu xaq u leenahay in Maleeshiyada Dalkayaga Gardarrada ku soo gashay ee Madaxdayada weerartey iyaga oo dhulkooda shaqo qaran ka haya.
Waxaannu yar iyo weynba garab taagannahay, tallaabo kasta oo ay Somaliland ka qaadaneyso jawaabta Biddaha Puntland ay ka siineyso weerarkan.
Dr.Cali Cabdi Muxumed,
Hargeysa.
Top-urgent.
