Mar dhoweyd oo aan khadka telefoonka kula xiriirney odayaal jooga magaalada Dhahar ee gobolka Sanaag ayey waxay noo sheegeen in ay ku war geliyeen ciidamada gardarada ku soo galay deegaanka Dhahar in ay uga baxaan deegaanka si nabadgelyo ha. Odayaashu waxay sheegeen hadii ciidanka soo duuley bixi waayaan in wixii meesha ka dhaca ay iyagu mas’uul ka yihiin xoogna lagaga saari doono.
Odayaashaas oo hadalkooda ay ka muuqatey caro fara badan ayaa waxay ku celceliyeen in aan wax wada hadal ah laga geli Karin joogitaanka nimankan jooga magaalada agteeda ee gardarada iyo duulaanka soo qaadey.
Odayaashu waxey sheegeen in nimanka calooshooda u shaqaystayasha ah ee cadawga dadka ku soo hogaamiyey lala xisaabtami doono. Waxay inta ku dareen in nimanka duulaanka soo qaadey ay yihiin jabhadii SNM-ta.
Mar aanu wax ka weydiiney halka ay ciidamada soo duuley joogaan waxay noo sheegeen in ay hada ku sugan yihiin meel aan magaalada ka fogeyn laakiinse hadii ay nabad ku bixi waayaan xoog lagaga saari doono.
Bahda allsanaag.com
Dhahar
