Waxaa iminka gaba gaba ku dhow Maamul u sameynti dagmooyinka Gobolka Gedo.waxaana xigo maamul u sameyna G/Gedo oo aad moodo in ay Maalmo naga xigaan, waxaana haatan u sharaxan Xilka Gudoomiye nimada G/Gedo inta la ogyahay ilaa Sadex Musharax, waa gudoomiyahaha G/Gedo Mudane Aadan Ibraahin Aw-Xirsi (Cirro), gudoomiyihii hore ee Gobolka Jaale Xaseen Sh Cabdi Ismaaciil (Fareey), iyo Jamaal Xasan Sarey.
Waxaana marba marka ka danbeyso sii kordhayo loolanka doorashooyinka G/Gedo iyo dadaalada ay sameynayaan musharixiinta. Marka aad musharixiinta wax ka weydiiso sida ay tahay rajadooda ku aadan in ay helaan xilka Gudoomiye nimada G/Gedo ayuu mid walba kuu sheegayaa in uu ku kalsoon yahay shacabka ku dhaqan G/Gedo.
Hadii aan ku horeyno Cirro oo haatan ah gudoomiyaha G/Gedo mar aan wax ka weydiinay sida ay rajadiisu tahay ayaa hadaladiisii waxaa kamid ahaa "waxaan horseed u ahay jiilka qurbaha joogo oo u soo laabtay in ay dadkooda hormariyaan hadii ay na aqbalaan, in aan gaarsiino gobolada kale ee dalka, iyo in aan ka fayoobayno Colaada oo aad u habsaamisay inta badan shacabkeena Reer Gedo oo ah dad wada dhashay wuxuuna gaari doonaa qofka reer Gedo-ha ah in uu xor ku noolaada meel kasta iyo dagma kasta".
Mar aan Cirro wax ka weydiinay xiriirka ka dhexeeyo isaga iyo xildhibaanada G/Gedo oo inta iminka la magacaabay gaaraya 18 xildhibaan ayuu Cirro sheegay in ay dhamaan tood ay xiriir wanaagsan leeyihiin marka laga reebo ayuu yiri labada musharax ee loo lanka kula jirta waa sida uu hadalka u dhigaye.
Dhanka kalana mar aan Xuseen fareey xiriir arintaa kala sameynay xiriir ayaa ku nuux nuux saday in uu ku qanacsan yahay doora shooyinka uu heys tana taageero ku filan. Musharaxa Sedexaad oo haatan ku sugan Waqooyiga G/Gedo gaar ahaana dhulka daawo loo yaqaan ayaan soo gaarin Bar tamaha G/Gedo oo ay iminka ku sugan yihiin Cirro iyo Fareey, ahna meesha lagu qaban doono doorashooyinka Gobolka Gedo.
Iyada oo ay xiligaan ka harsan dhismaha G/Gedo dagmooyinka B/dheere iyo Luuq oo kaliya, ayaad moodaa in uu habeynba habeynka ka danbeeyo sii kordhayo isu socodka iyo xariirka ka dhexeeyo 18 xubnood ee gololaha deegaanka G/Gedo iyo musharixiinta u taagan xilka gudoomiye nimada G/Gedo, waxaana la saadaalin karin cida ku soobixi doonto gudoomiye nimada Gobolka Gedo oo maal mahan danbe hadal heyn teeda ay hareysay Bartamaha iyo daafaha G/Gedo.