Odayaasha Magaalada Kismaayo oo ka Hadlay Dagaaladii ka dhacay Magaalada Muqdisho kuna tilmaamay Xasuuq Ula kac ah.
Submitted by wararka on Tue, 04/22/2008 - 07:00.
Kismaayo .22. April .2008. (Sh.M.Network)- Odayaasha Dhaqanka Magaalada Kismaayo ee xarunta gobolka J/hoose ayaa dagaaladii dhawaanaha ka socanayay Magaalada Muqdisho ku Tilmamay Kuwo lagu xasuuqay Dad Rayid ah.
Xubnahani odayaasha Dhaqanka iyo wax garadka ka soo jeeda Magaalada Kismaayo ayaa ka hadlay Dagaaladii maalmihii la soo dhaafay ka socanayay Magaalada Muqdisho iyo dhibatooyinkii loo geeystay Dadka shacabka ah ee lagu dul dagaalamay.
Xubno oday dhaqameedyo ku sugan magaalada Kismaayo ayaa sheegay in dagaaladii ka dhacay magaalada Muqdisho ay ka dhan yihiin Xuquuqul insaanka isla markaana dhibaatooyin loo geeystay dad shacab ah iyo culumaa'udiin taasina uusan sharciga waafaqsaneeyn in dhibaato loo geeysto dad aan dagaalka qeeyb ka aheeyn.
Mid ka mida Wax garadka Ku nool magaalada Kismaayo ayaa baaq u jeediyay beesha Caalamka iyo weliba dowlada KMG Si wax looga qabto dhibaatooyinkii gabood falada ahaa ee ka dhacay magaalada Muqdisho sida uu sheegayo Max'ed Xasan Tooxoow oo ka mid ah wax garadka Magaalada Kismaayo.
Maanta Barqadii waxaa lagu wadaa isku soo bax balaaran oo arintaasi ku qotoma in laga dhigo fagaaraha Beerta Xuruyada ee magaalada Kismaayo kasi oo ay isgu soo baxaan kumanaan kun oo qofood oo ka mid ah shacabka Magaalada Kismayo kuwasi oo ka soo hor jeeda Xasuuqii ka dhacay magaalada Muqdisho iyo dilkii loo geeystay Dadka shacabka ah iyo Culumaa'udiinka Somalied.
Shabelle Media Network.Somalia.
http://www.shabelle.net/somali/2008/04/ ... -muqdisho-
