Degmada Baardheere ee Gobolka Gedo ayaa waxaa ka dhacday Maanta Xaflad si weyn looga Xusay Manaasabada 1 luuliyo oo ah markii ay ka xoroobeen gumaysigii talyaniga iyo israacii labada Gobol ee Waqooyi iyo Koonfuta waxaana halkaasi isugu soo baxay dadweeyne aad u farabadan kuwaasi oo watay caleemo qoyan wadooyinka magaaladana ku lugaynayay.
Munaasabadan oo ay soo agaasimeen Howlwadeenada Hay,adda INXA xafiiskooda degmada Baardheere ayaa waxaa lagu qabtey Xarunta Maamulka Degmada Baardheere,halkaasi oo ay isugu yimaadeen Boqolaal dadweyna ah oo ka kala socdey qeybaha kala duwan ee Bulshada ku dhaqan degmada Baardheere.
Mas,uuliyiintii ka soo qeybgashey Munaasabadan ka dhacdey degmada Baardheere ayaa waxaa ka mid ahaa Gudoomiyaha Gobolka Gedo Xuseen Farey iyo ku xigeenadiisa,Gudoomiyahay Degmada Baardheere Maxamed Xirsi Dhudi iyo Odoyaal iyo waxgarad kale gedisan oo ka tirsan Degmada Baardheere. Masuuliyiintii iyo Odoyaashii ka hadley munaasabada 1da luulyo ayaa waxay ka warameen halgankii dheeraa ee loo soo marey xoriyada maanta la harsanayo oo ay sheegeen inay ku timid halgan adag oo lala galay gumaystayaashii reer Yurub ee dalka qabsadey.
Inkastoo Munaasabadahaan si weyn looga Xusay qaybo ka mida dalka Soomaaliya ayaa hadana waxaa jira dad iyagu sheegaya in ay munaasabadaan ku soo beegantay xili dhibaatootyin nolol xumo iyo dagaalo ay ka jiraan qeybo ka mid ah Dalka Soomaaliya.
Dalka Soomaaliya ayaa waxaa uu Xoriyada qaatay sanadkii 1960 bishii July oo ay ka Xoroobeen gumaystayaashii Talyaaniga iyo Ingiriiska ku waasi oo gumaysi ba'an ku hayay shacabka Soomaaliyeed taasi oo dhalisay in ay aas aasman 13 kii SYL oo ahaa dhalinyaradii dalka Soomaaliya Xoriyada u soo hooyay.
A C Saalixi-GEDO-NN-Baardheere
http://www.gedonet.com/index.php?news=3268
