Wareeysi aan la yeelanay siyaasiga Maxamad sheikh xasan cilmi (Bacle) waxaan ka wareysanay deegaanka Ceelcade ee gobalka Gedo.
Gedonet; daageenka Ceelcade oo aad ka mid tahay odayaasha ama siyaasiyiinta ka soo jeeda, humarka ay gaartay wax ma nooga sheegi kartaa?
Bacle; Ceelcade waa dagmo wayn oo intii ay burburtay dowladii maxamed siyaad aad u fiday, waxay leedahay iskuul hoose dhexe iyo dugsi sare waxaana dhigata ilaa 1000 arday, macalimiinta iskuuladaas wax ka dhigana waa macalimiin khibrad leh oo la soo xulay waxaana jiray arday badan oo ka kala yimaada gobalka intiisa kale una soo doonta waxbaraso tayo leh iskuulaadka degmadu ay leedahay.
Gedonet; Ceelcade xaga beeraha iyo xoolaha maxaa horumar ah oo la taaban karo ay leedahay?
Bacle; Xoolaha nool Ceelcade waa meelaha ay aad ugu badan yihiin, deegaanada ku hareeraysana waa meel daaqa ku fiican, xooluhuna ku tarmi karaan, waxaa ku yaal suuq wayn oo xoolaha lagu kal iibsado siiba Geela iyo Lo'da, dhanka beeraha daageenku malaha wabi lakiin waxaa wax la beertaa marka uu roobka do'o dhulka biyo qabatinka ah, iyadoo ay ka baxaan Haruurka, Galayda, Digirta Sisinta IWM.
Gedonet; Dhanka waxbarashada yaa ka caawiya deegaanka?
Bacle; Runtii waxaa waxbarashada naga-caawiya jaaliyada dibada, oo aan aad ugu mahad-celinayno waxaa kaloo xoogaa ku biiriya hay'ado dhanka waxbarashada gobalka wax ka qabta, dadka deegaanka Ceelcade degana wax bay ka gaystaan horumarinta wax barashada.
Gedonet; Dowladiiladihii ka danbeeyay dowladii hore ee Somaliya deegaanka Ceelcade marna ma hordhigteen in loo magacaabe dagmo?
Bacle; haa Hada waa dagmo Ceelcade, waxaana u magacaabay maxadaxwaynihii hore ee soomaaliya mudane Cabdulaahi yuusuf dikareeto uu ku sixiixan yahay ayaan haynaa oo aan faafinay waxayna soo baxday 21/12/2008 markuu arkay tixgaliyayna soo jeedinta wasiirka arimaha gudaha, odayaasha, dadka deegaankaasna waa soo dhaweeyeen.
Gedonet; mahadsanid
Bacle; adinkaa mudan.
Sanka Gedonet-Ceel-Cade.
http://www.gedonet.com/index.php?news=4536
