Maamulka Islaamiga degmada Baardheere ee gobolka Gedo oo soo saaray awaamiir ku wajahan shacabka ku dhaqan degmada
May 18,2009
byB/Dheere-Gedo-News
Maamulka Cusub ee Islaamiga ee degmda Baardheere Gobolka Gedo ayaa soo saaray Amaro cusub oo la xariira xiliyada salaadaha iyo isku socodka dadka iyo gaadidka xiliyada habeenkii ah waxaana ay sheegeen in cidii raaci weysaa amaradaasi ay mutaysan doonto ganaax lacageed iyo xarig.
Amaradaan cusub ee ay soo saareen maamulka Islaamiga ee degmada Baardheere ayaa waxaa ka mid ah in dhamaan alabada la isugu dhifto xiliyada saaladaha qofkii xiligaasi lagu arkaa isagoo goobtiisa ay furantahay ama dhex wareegaya gudaha Magaalada waxa ay sheegeen in la xiri doono mudo 5-maalin ah lagana qaadi doono ganaax lacageed oo gaaraysa 500 oo shilin Soomaali ah.
Madaxa Amniga Maamulka Islaamiga degmada Baardheere C/laahi Cusmaan Qorax (Gardhuub))oo xalay u waramayay Gedonet ayaa sheegay in dad weynaha ay ku wargaliyeen in ay u hogansamaan awaamiirtaasi isagoo intaasi raaciyay in amarkaani uu rasmi ah u dhaqangalayo maanta.
C/laahi Cusmaan Qorax ayaa waxaa uu soo hadal qaaday bandow maamulkii islaamiga ahaa ee ka horeeyay ay magaalada ku soo rogeen kaasoo ka bilaabanayay 10-ka fiidnimo waxaana uu sheegay in uusan bandowgaasi waxba iska badalin cidii lagu arkaa iyadoo habeenkii wareegeysana talaabo laga qaadi doono.
Mar aan wax ka weydiinay waxa ay kala socdaaan Qalab isugu jira Biro iyo Silig ku wareegsanaa Garoonka Diyaaradaha Bardheere oo si tuuganimo ah maalmo ka hor looga soo xadey garoonka ayuu sheegay in ay la socdaan qalabkasi iyo ragii ka dambeeyay,waxuuna tilmaamay in dhowaan arinkaasi ay go,aan ka qaadan doonaan.
Si kastaba ha ahaatee ma’ahan markii ugu horeysay oo awaamiir noocani oo kale ah lagu rogo dadka ku dhaqan magaalada Baardheere inakastoo amarkaani uu u muuqanayo mid ka duwan kuwii hore.
http://www.gedonet.com/index.php?news=5604
