Ciidamada Ahlu Sunna Waljaamaaca oo Maalintii Labaad Howlgalo ka wada Degmada Caabudwaaq ee gobolka Galgaduud iyo amaro ay soo rogeen.
Shabelle: CAABUDWAQ
Ciidamada Ahlu Sunna Waljaamaca ayaa maalintii labaad waxaa ay howlgalo lagu sugayo Ammaanka ka wadaan Degmada Caabudwaaq ee gobolka Galgaduud iyagoo halkaasina ku soo ragay Awaamiir ku aadan Shacabka Magaaladaasi.
Howlgalkaani Ciidamada Ahlu Sunna waljaamaca ay ka wadaan Magaalada Caabudwaaq ee gobolka Galgaduud oo soo bilowday Maalintii Shalay ayaa waxaa lagu sheegay in lagu sugayo Ammaanka deegaanada hoostaga degmada Caabudwaaq ee gobolka Galgaduud.
Ciidamada Ahlu Sunna ayaa waxaa ay magaaladaasi ku soo rogeen Amaro ku aadan in aan gudaha Magaaladaasi wax hub lagu dhex qaadan Karin iyagoo intaas ku daray in cidii ay ku arkaan iyadoo magaalada hub ku dhex wadada ay talaabo ka qaadayaan.
Howlgalaadaani iyo Amarkaani ayaa Imaanaya kadib markii magaalada Caabudwaaq uu gaaray taliyaha ciidamada Ahlu Sunna ee gobolada dhexe Sheekh Aadan Sheekh Cabdi Nuur.
Waxaa ay arintaani sidoo kale ka dambaysay Kadib markii maalmo ka hor gudaha Magaalada Caabudwaaq Dil Taagasho ah logu geystay Qaf rayid ahaa iyadoo la sheegayo in haatan Ciidamada Ahlu Sunna ay ku raad joogaan dadkii dilkaasi ka dambeeyay.
Aqriso oo la soco Shabelle.net Saacad Walba si aad u hesho wararkii ugu dambeeyay ee Soomaaliya.
http://www.shabelle.net/news/viewnews.asp?newsid=6826
