iidamada Ahlu Sunna Waljamaaca ayaa maanta Howlo Bur burin ah ka bilaabay Magaalada Caabudwaaq ee gobolka Galgaduud.
Howlgalkani maalintii labaad ka soconaya gudaha Magaalada C/waaq gaar ahaan suuqa Jubba ayaa waxaa ka qeybqaadanay cutubyo katirsan Ciidamada Ahlusuna Waljamaaca ee ka arimaya degmada C/waaq ee deegaano katirsan bartamaha dalka Soomaaliya .
Howlgalkan oo maalintii shalay ay ka bilaabeen gudaha iyo hareeraha suuqaasi ayaa waxaa la arkayay dhismayaal farabadan oo wadadii xiray iyo sidoo kale guryo si sharci daro ah looga dhisay wadooyinkii muhimka u ahaa maritaanka iyo adeegsiga dadweynaha ka adeeganaya suuqaasi.
Waxaana qaar ka mid ah Ciidamada Saraakiisha hor boodeysa oo la hadlay saxaafada ay xaqiijiyeen in ay xireen dhowr qof oo ka biyo diiday Awaamiirta ka soo baxaaysa Ciidamada iyo furitaanka wadada ,iyagoo dadkaasi la tuhunsanyahay in ay ka dhago adeegeen dhismayaal layiri saara oo ka dhisnaa wadada iyo meelo muhim u ahaa adeegsiga suuqaasi .
Suuqa weyn ee Jubba oo dhisan inka badan 30-sano oo ay ka adeegtaan dad weynaha kala duwan qaarkoodna ay kaga soo adeegtagan deegaano ka baxsan degmada C/waaq ayaa howlahan furitaanka wadooyinka soo dhaweeyay qeybaha kal duwan ee bulshada ,waana talaabadii ugu horeysay oo Ciidamada Maamulka Ahlusuna ee ka arimiya degmada C/waaq ay ka bilaabaan suuqaasi.
Waxaa waqtiyadii ugu danbaysay ay wadeen howlgalo wadooyinka ay ku furayaan jidadka xirmay ee ku yaala gudaha C/waaq,laakiin howlgalka ka bilowday suuqa ayaa waxaa uu yahay mid ka duwan kuwii hore.
Suuqa oo ay ka dhisanyihiin Dhismayaal aad u fara Badan kuwaasi oo jaray Adeegsigii dadka iyo wadooyinkii Waa weynaa ee ay gaadiidku isticmaali jireen ayaa waxaa uu noqonayaa talaabadii ugu balaarnayd ee ay qaadaan tan iyo intii la aas aasay Maamulka Ahlu Sunna ee Bartamaha Soomaaliye.
