Nairobi: Shirkii Xoreynta Jubbooyinka Oo Guddo Galay Dhismaha Baarlamaankii Dowlad Goboleedka.
Posted by admin on Jul 25th, 2009 and filed under Wararka. You can follow any responses to this entry through the RSS 2.0. You can skip to the end and leave a response. Pinging is currently not allowed.
Nairobi(GMN) Waxaa todobaadkii in-dhaafay magaalda Nairobi ka furmay shir-beeleed dood weyn dhaliyay. Shirkaan ayaa ujeedadiisa lagu qeexay inay tahay dib-u xoreynta deegaanda Jubbooyinka ee ay iminka gacanta ku hayaan kooxaha Islaamiyiintaa ee dalka Soomaaliya ka dagaalama. Waxaana fadhigii kowaad ee shirka laysla qaatay labo qodob oo kala ah (a) In laga hawl-galo sidii gobolada Jubooyinka looga xoreyn lahaa kooxaha Islaamyiintaa loogana ilaalin lahaa in deegaanadaasu gacanta u galaan DFKG ee Soomaaliya oo ay ku tilaameen inaysan deegaanadaas u dhaamin kuwa hada haysata, cawaaqibna u hayn. (b) In deegaanada Jubooyinka loo sameeyo maamul dibada jooga oo hawshiisa sida ugu dhaqsaha badan u bilaaba. Maamulkaas oo samaynaya abaabulka xoreynta iyo xiriirka caalamigaa.
Fadhigii labaad ee shirka ayaa wuxuu dhacay maalinimadii Sabtiga bishan Luuliyana ahayd 25ka sanadan 2009 daarta “Chester House” ee bartamaha magaalda Nairobi. Fadhigii hore ee shirkan ayaa waxaa hormuud ka ahaa xubno dhaqan iyo siyaasiyiin oo kala ahaa: Xildhibaan Xasan Abshir, General Moorgan, Xildhibaan Cabdirisaq Xiddig, Ugaas Labo Qeyd, Xildhibaan Aadan Buule, Xildhibaan Indhageele iyo Xildhibaan Indha-buur.
Fadhiga labaad ee shirka ayaa waxaa ku soo biiray siyaasiyiin hor-leh oo ay kamid yihiin Gen. Maslax Maxamed Siyaad, Danjire. Maxamud Cali Magan iyo Ilyaas Badal Gaboose oo ahaa gudoomiyihii hore ee gobolka Jubada Hoose ee DFKM. Waxayna dhamaantood muujiyeen inay doonayaan dhismaha maamul goboleedka Jubbaland.
Shirkan ayaa ku furmay fariimo cafis oo ay soo jeediyeen siyaasiyiintii ka soo qeyb galay waxaana ugu horeyn dalbaday cafis guud Gen. Maxamed Saciid Xirsi “Morgan” oo soo jeediyay in beesha Daarood ay cafis u fidiso ama saamaxdo Isaga Gen. Maxamed Cumar Jees iyo Col. Barre Aadan Shire “Barre Hiiraale”. Balse hadalka Moorgan isla markiiba waxaa laga horkeenay diidmo ayadoo nin odaya oo halkaasi ka hadlay uu Genraalka ugu jawaabay inaysan beesha Kablalax marna cafiyaynin Morgan, asagoo intaasi raaciyay in ay haboonaan lahayd inuu arrimaha beesha Daarood guud ahaanba faraha kala boxo Jaame Morgan.
Intaas kadib waxaa hadalkii qaatay Xildhibaan Xasan Abshir Farax oo soo jeediyay in si guud beesha Daarood isu cafido lagana wada tashado danta guud. Hadalka Xasan abshir wuxuu shirkii u gudniyay jawi wada tashi iyo in laga wada xaajoodo sidii hawshii samaynta maamulka ee lagu balamay loo gudo gali lahaa.
Mudo yar kadib Xildhibaan Aadan Buule ayaa hadal kooban kadib kasoo qeyb-galayaashii dhex-dhigay su’aal oranaysa: Ma waxaa jirta cid dood ka qabta in la dhiso maamul goboleedka Jubbaland? Isla markiiba waxaa bilowda bulaan iyo in dad badani gacanta u taageen inay doodooda ka dhiibtaan su’aasha uu xildhibaanku soo jeediyay. Balse shirku waa uu ka gudbay dhagaysiga dareenka arrintaasi la xariirta waxaana si deg-deg ah loo soo jeediyay in la gudo galo soo diyaarinta barnaamijka Jubbaland iyo sidii loo soo xuli lahaa xubnihii Baarlamaanka dowlad goboleedka oo lagu balamay inay noqdaan qodobada shirka xiga ama fadhiga soo socda lagu gorfayn doono.
Suurto galnimada in maamul goboleedka Jubbaland lagu dhiso dalka Kenya, dabadeedna xubnahaasi u-hawl-galaan siday deegaandaas uga xoreysan lahaayeen kooxaha islaamiyiintaa, waa arrin maanka gadaysa. Cabdi warsame oo ka qeyb-qaatay doodii qormadii hore waxaa uu ku doodayaa, inay arrintu halkaas ka dhowdahay asagoo yiri: “Waxay qabasho ka leedahay “DAWLAD-GOBOLEEDKA JUBBALAND EE UU FADHIGEEDU YAHAY ISLII.”. Dhanka kale akhriste kale oo magaciisa XANAAQ ku soo koobay isna wuxu leeyahay: “Raga raba in aay Jubbooyinka xoreeyan waxaa jogaa DOOLOW, Xasan Abshir & Moorgan may u-tagaan haday rabaan inaay wax xoreyaan”. Waxaa isna fakir labadaasba ka duwan qaba Samo Talis oo yiri : “Shirku waamid lagu xagal daacinayo siyaasad waarta oo dalka ka dhalata, ayaga oo ay hurmuud u yihiin dad aan rabin daganansho ka curta gayiga Soomaaliyeed”.
Dooda arrintani dhalisay waa mid dheer ayadoo dhamaan la wda shugayo halka uu ku dambayn doono shirkani. Waxaa kaloo xusid mudan fikirka Ali-caarif akhriste kale oo yiri “Reer Puntland waxay usoo diraan Jubbaland dadkooda ay ku magacaabaan faraajiinta oo ay yiraahdaan la soo xaala Mareexaanka iyo Absamaha adinkaa la garaad ahe!”. Halka qaar-kaloo akhrisyaashanada ka mid ihina ayba su’aal weyn ka qabaan jiritaanka Daarood, iyo sababta arrinta loo Daaroodeeyay oo beelihii kale looga tagay.
Si kastaba ha ahaatee, waxaa is waydiin iyo fiiro gaara mudan kaalinta uu hawshan iyo shirkaan ku leeyahay Gen. Maslax Maxamed Siyaad. Siduu Jabuuti uga yimidba in badan kama hadlin wax uu isagu doonayo iyo waxa uu dadkiisa la doonayo intaba. Ka dhexmuuqashada shirkani waxay abuurtay su’aal badan oo la xariira sida uu wax u rabo Jaale Maslax.
Gedoonline waxay isha ku haysaa gabi ahaanba dhacdooyinka soo kordha si ay fakir buuxa idiinka siiso, aadna kaalintiina suuban uga qaadan lahaydeen. Fadlan noo soo gudbiya fariimaha iskuna daya inaad aad u koobtaan. GedoOnline.
lol