Wararka maanta waxay sheegayaan in magaaladi Buuloxaawo ahayd ay kacanta u gashay amxaaro. Halkaas waxay ku barakiciyeyn kumanaan shacab oo iskugu jiro waayeel, caruur iyo haween, waxayna ku dileen 20 dhalinyaradi baladka ahayd. Sidoo kale waxay wararku sheegayaan in magaalada madaafiic amxaaradu kasoo tuurayso Doolow ay magaaladi ku burburinayso, waxay dadka waayo araga u lihi gobolku saadaalinayaan in magaalada lagu wado in amxaaradu burburiso magaalada gebi ahaanteedba sidi ay Doolow u burburisay barigii dagaalka xabashida lala galay ee 1977.
Dhanka kale, dadka siyaada gobolka aqoonta u leh ayaa walwal ka muujiyay arintaan kadib markii ay cadaatay in beesha Garre ee deriska la ah gobolka bayshu degto ay dagaalka socda ee duulaanka gobolka lagu yahay ay hormuud ka yihiin. Sannadihi lasoo dhaafay ayay beesha Garre isku dayeen in dagaal kula wareegaan Ceelwaaq oo ay beeshu degto. Hadaba waxay u egtahay in la doonayo in gobolka loo geliyo gacanta dadka laga tirada badanyahay sida Garre iyo Dirta yare degta iyagoo ka helaya macaawinayo xabashida.
Hadaba waxaad moodaa in taariikhdi al-itixaad iyo Snf dhexmertay iyo dhibaatadi inay mar labaad dhacayso, balse waxaa is waydiin leh miyaan laga faa'iidaysan qaladaadki hore u dhacay. Waayo waxaad moodaa in kooxda Doolow ay matalaan SNF-di hore, Shabaab-na matalaan al-ittixaad, Garre-na matalaan Reer Xasan. Hadaba miyaysan u muuqan hadii Shabab xittaa laga saaro Gedo in Xabashidu hubeen doonto Garre-ha la socda kooxda Doolow sidi barigi hore ay u hubaysay reer Xasan? Kadibna ma dagaalki reer Xasan lala galay baa Garre/Murualle/ Dagoodiye iyo balaayada daran ee iswadata lala geli? Goormee baa marka hormar lasameen?
