Qurba joogta Beesha Sade ayaa si kulul u cambaareeyay duulaanka cadowtinimada ah iyo xasuuqa ay ka wadaan Gobalka Gedo ciidamada Saliibiga Itoobiya iyo Kenya ee shalay galay magaalada Beled-xaawo.
Magaalada Baladxaawo ayaa aheyd xalay mid gashay gacanta ciidamada gumaysiga ee Kenya iyo itoobiya kuwaas oo dhac iyo boob u gaystay hantidii rayidka ,sababna u noqday xiritaankii masaajida,adeegyada bulshada iyo barakicinta kumanaan kun oo qoys oo hada u baahan gargaar bini 'aadanimo oo deg deg ah.
Waxgaradka iyo dhalinyarada Beesha ee ku dhaqan Dalka Dibadiisa ayaa soo saaray war ay uga hadlayaan dhibaatada lagu hayo shacabka Muslimka ah ee Gedo iyo guud ahaanba Shacabka Soomaaliyeed, ayagoo ku sheegay bayaankooda in Itoobiya iyo kenya aynan ka suulin damacoodii ahaa inay Soomaaliya kala qaybsadaan oo hada aad moodo in Itoobiya wadanka la soo galinayo ayada oo wadato magaca Ciidamada Xasuuqa ka wada muqdisho ee Gumaadsom.
Waxaa bayaanka lagu sheegay in qabsashada magaalada Beled-xaawo ay sababtay in ay istaagaan dhamaan adeegyadii bulshada sida ganacsiga, waxbarashada iyo duruustii ka bixi jirtay masaajidada magaalada islamarkaana markaana ay muuqato in magaaladii ay gumaysi gashay loona baahan yahay bulshada gobalka oo lagu bartay gumaysi naceyb in ay u tafo xaydato sidii la isaga kicin lahaa cadowga horarka ah ee Saliibiga Itoobiya.
Sheekh Mahamed Jaamac oo katirsan Qurba joogta Beesha Sede ayaa sheegay in shacabka Beled-xaawo dhawaan ka xoroobi doonaan gumaysiga ay ku hayaan ciidanka Macatab u dirirka Itoobiya,waxaa uuna Sheequ xasuusiyay beesha Sade qaybtii lixaadka lahayd ee ay kaga qayb qaadatay Jihaadkii Gumaysiga looga saaray wadanka .
Sheeqa oo hadalkiisa sii baa yiri "Qurba joogta Beesha Sade waxay cambaareynayaan qaska iyo qalaanqalka ay Saliibiyiinta Itoobiya ku hayaan shacabka Gedo gaar ahaan magaalada Beled-xaawo, cadawgu wuxuu soo adeegsaday gaalada kenya oo in muda ahba is qarinaysay laakiin shacabkayagu uu ka war hayay hagardaamada ay ku haysay nabada gobalka, waxa kaloo uu ku tilmaamay wax laga yaqyaqsado kuwo isku sheegaya inay gobalka u dhasheen inay ka qayb qaateen gubida iyo dhaca hantida dadka rayidka waxaa uuna yiri waa arin lagula xisaabtami doono gaboodfalyada ay u gaysteen Shacabkayaga Muslimka ah".
Qurba joogta Beesha ayaa ugu baaqay shacabka Muslimka ah ee Gedo ku nool in ay Naf iyo maal isugu geeyaan Jihaadka ka socda Soomaaliya iskana difaacaan calooshood u shaqeystayaasha Gobalka usoo horkacay cadawga soo jireenka ah ee Gumaysiga Itoobiya iyo Kenya.
Ugu dambeyntii Beesha Sade waxay balan qaaday in ay sii wedi doonto taageerada ay siiyaan Mujaahidiinta iyagoon sidoo kale dhaleeceeyay dhibka ay shacabka Cabudwaaq ku hayaan Mushrikiinta gaalada wakiilka ka ah,waxa ayna uga digeen in dhalinyarada beesha loo isticmaalo inay Gumaysiga Itoobiya horgaleen u noqdaan taasoo ay ku sheegeen inay taariikh xumo u tahay beesha, oo ay taariikhda ku xusto kaalintii ay ku lahaayeen Jihaadkii uu hogaaminayay Imaam Ahmed Gurey.
AmiirNuur Media
