Kaliil : Maamulka Asaaniya waxa uu ka bar bar dagaalamaya Shabaab
Luuq: (Sh. M. Network) Gudoomiyaha gobolka Gedo ee dowlada KMG Soomaaliya Maxamed Cabdi Kaliil oo wareysi siiyay idaacada Shabelle ayaa waxa uu sheegay in aysan jirin ciidan uu leeyahay maamulka Asaaniya oo ka dhisan gobolada Jubooyinka iyo Gedo, waxaana uu tilmaamay in aysan marnaba ka howlgali doonin goboladaas.
Gudoomiyaha ayaa waxa uu ku eedeeyay maamulka Asaaniya in lagu soo dhisay dalka Kenya islamarkaana ay ka bar bar dagaalamaan xarakada Al Shabaab, waxaana uu hoosta ka xariiqay in ay yihiin kuwo gacansiinaya kooxaha argagixisada sida uu hadalka u dhigay.
Isagoo sii watta hadalkiisa gudoomiyaha gobolka Gedo ee dowlada KMG Maxamed Cabdi Kaliil waxa uu waxba kama jiraan ku tilmaamay warar uu sheegay in ay kasoo bexeen dowlada Kenya oo sheegay in maamulka Asaaniya uu ka howlgali doono gobolda Jubooyinka iyo Gedo, isagoo carabka ku dhuftay in markii xarakada Al Shabaab laga saaro gobolada Jubooyinka iyo Gedo in maamul mideeysan laga sameeyn doono goboladaasi oo ay ka tashan doonaan dadka kunoo.
Marka laga sootago hadalka maanta ka soo baxay maamulka dowlada KMG ee gobolka Gedo majiro wax war ah oo ka soobaxay maamulka Asaaniya oo uu madaxda kayahay Maxamed Cabdi Gaandi iyadoo xiriiro aynu la sameenay ay inoo suurta gali waysay in aan helno.
Aqriso oo la soco Shabelle.net Saacad Walba si aad u hesho wararkii ugu dambeeyay ee Soomaaliya.
NALA SOO XARIIR webmaster@shabelle.net
