Shir lagu nabadeynayey beello ka soo jeeda degmooyinka Cadaado iyo Dhabad oo la qabtay
Published on October 12, 2011
Cadaado: 12 October 2011:
Kulankan oo ay isagu yimaadeen Waxgaradka,Culuma’udiinka iyo Maamulka Ximan iyo Xeeb ayaa waxa lagu soo Afjareyey Colaado Mudo 30-sano ku dhow u dhexeeyey Beelaha Walaalaha ah ee ka soo kala jeeda Deegaanada Dhabad iyo Cadaado.
Waxgaradka iyo Culuma’udiinka Labada Dhinac ee Maanta kulankoodu ka dhacay Magaalada Cadaado ayaa Dhamaantood waxa ay soo bandhigeen Sida ay shacabku ugu baahanyahay in la soo gebe gebeeyo Colaada Labada Beelood ee walaalaha ah oo Sababtay kala fogaashaha Laba shacab.
Qaar kamida Odoyaasha iyo Waxgaradka kulanka ka yeeshay Sidii loo soo afjari la haa Colaadaha iyo is ugaarsiga ka dhexeeya Labada Beelood ee Deriska ah ayaa sheegay in aan wax faa’ido ah Haba yareetee lagu gaareeyn Colaada ka dhxeysa Labada Beelood islamarkaan loo baahanyahay in sida uga dhaqsiyaha badan loo soo Geben gebeeyo Colaada wax waliba lagu xaliya Shareecada islaamka.
Guddoomiye ku Xigeenka Baarlamanka Ximan iyo Xeeb Daahir Xirsi Cabdi oo kulanka ka hadlay ayaa sheegay in Colaadu Dhibaato mooyee aysan Faa’ido lahayn loona baahanyahay in la dhameeyo Waxwaliba oo dagaal sababi kara.
Ugu danbeyn Madaxweynaha Maamulka Ximan iyo Xeeb Maxamed Callahi Macalin Aadan Tiiceey oo kulanka ka qeyb galay ayaa hadalo dardaaran ah u jeediyey Labada Dhinac isgoona sheegay ka Maamul ahaan inay gacan ka geysanayaa wax waliba oo nabada lagu gaari karo.
Waxgaradka,Culuma’udiinka iyo Odoyaasha ka soo kala Jeeda Deegaanada Cadaado iyo Dhabad ee Maanta kulankoodu ka dhacay Magaalada Cadaado ayaa ku balamay kulan kama danbeys ah oo Gebi ahaanba lagu soo afjarayo Colaada Labada Beelood waxayna iyagoona Rajo wanaagsan ka muujiyey soo afmeerida Colaada Raagtay ee u dhexeeysa Dadka reer Miyiga ah.
I welcome peace between these to clans
Somalia needs peace 
peace and development is the only way forward 
