Dood ku saabsan doorka Haweenka Cabudwaaq ay ku leeyihiin Nabada iyo Horumarka ayaa maanta lagu qabtay Cabudwaaq
Shabakada Warbaahineed ee Kismaayo24.com ayaa bilowday barnaamij loogu magacdaray xoojinta Nabada, horumarka iyo dib u hishiisiinta bulshada Soomaaliyeed ayaa waxaa wajigii koowaad lagu qabtay magaalada Cabudwaaq, waxaana dooda toddobaadkan ku eegeynaa doorka haweenka Cabudwaaq ku leeyihiin nabada iyo horumarka bulshada ku nool magaaladaasi.
Wariye Mahad Xasan Diino oo ka mid ah wariyayaasha Kismaayo24.com uga soo warama gobollada dhexe ee Soomaaliya ayaa doodan u qeybinaya qaarka mid ah haweenkaasi oo isugu jira howl-wadeenada dallada haweenka ee IFTIN iyo qaarka mid ah Maamulka Somali Central State kuwaasi oo siyaabo kala duwan u cabirayo doorkooda.
Bulsho kasta oo meel kuwada nool waxaa muhiim ah inay noloshooda u helaan Nabad iyo hishiis ay kuwada nool-yihiin kadibna waxaa imaaneysa inay bulshadaasi guul ka gaaraan waxbarashada,ganacsiga iyo la socoshada geedi-socodka aduunyada kale.
Magaalada Cabudwaaq waxay xudun u tahay maamulo is diidan oo kawada jira gobollada dhexe,waxaana ay tahay magaalo ay hal qabiil degan yihiin balse aan laheyn maamul toos la isugu raacay. Waxaa dhinac ka jooga Maamulka Ahlusuna oo sii daciifaya, Somali Central State oo magac ahaan u jooga iyo Xildhibaano xilal doon ah oo magaalada 20 sano kadib maanta yimid si ay qeyb uga noqdaan dowlada la soo dhisi doono bisha Agusto.
Waxaa magaalada iminka ay heysataa iskuulo badan oo ay qaarka mid ah gacanta ku hayaan hayádaha kala ah HIRDA iyo AFRICAN DARYEEL kuwaasi oo xarumo ku leh magaalada Amsterdam ee dalka Holland,balse howlo horumarineed oo dhinaca waxbarashada ka qabta deegaano badan oo ka tirsan Soomaaliya. Waxaa sidoo kale magaalada ka jira isbitaal weyn oo la yiraahdo Hadiya Hospitaal kaasi oo dhowr sano ka hor magaalada uu ka hirgeliyey Dr, Abdirisaaq oo ka mid ah Qurba-joogta deegaankaasi.
Dhinaca kale Garoonkii diyaaradaha magaalada Cabudwaaq ayaa isagana gacanta lagu hayaa,waxaana howshaasi wada gudi dhan 15 xubnood oo uu hormuud u yahay Dr,Maxamuud Gaab howlahaasi oo dhan waxaa ay qeyb ka yihiin dhinaca horumarka oo ay sameysay magaalada Cabudwaaq.
Haddaba akhristayaasha iyo daawadayaasha ku xiran shabakadan waxan idin balanqaadi doonaan barnaamijyo lagu dhiirigelinayo isku xirka iyo mideynta bulshada Soomaaliyeed meelkasta oo ay joogaan,waxaana sidoo kale abuuri doonaa isku xirna Qurba-joogta iyo dadka Gudaha ku sugan.
HALKAN KA DHAGEYSO DOODA DOORKA HAWEENKA CABUDWAAQ AY KU LEEYIHIIN NABADA IYO HORUMARKA BULSHADA:
http://kismaayo24.com/?p=33441
Sufism has hindered the spread of salafism.
