Saraakiisha Al-shabaab ee Kismaayo oo odayaasha beesha Talxe ee Kismaayo amar ku siiyay in ay 45 casho gudahood Ugaas kusoo doortaan.
Talxe elders of Kismaayo:
Kismayo, Somalia (AOL) – Kulan saraakiisha Al-shabaab ee beesha Talxe la qaateen odayaasha Talxe ee Kismaayo ayeey ku amareen in ay sida ugu dhaqsiyo badan muddo 45 cisho gudahood kusoo doortaan ugaas maadaama sida ay sheegeen uu ridoobay ugaaskii beesha Talxe Ugaas Cabdi Buule Ugaas Xasan Dabac oo haatan ka mid ah odayaasha jooga Muqdisho.
Kulanka ayaa waxaa soo qaban qaabiyay saraakiisha Talxe ee Al shabaab ee kala ah: Cabdi-raxamaan Cali Dhabokeen (Fiiloow), Shiine Cali Jiiroow, Liic Maxmed Jabriil iyo Nuur Dheer Buule, waxaana shirkaasi looga hadalay qodobo dhawr ah oo ay ka mid ahaayeen sidii ay beesha oga qeyb qaadan laheyd waxa ay ku shegeyn jiihaad ka socda Somaliya iyo in ay beesha bixiso xoolo sida Geel, Ari iyo waliba in ay beesha kasoo saarto ciidanka dawalada kaga jira.
Shirka ayaa waxaa ugu horeyntiiba asaga oo careysan qudbad ka jeediyay Cabdi-raxamaan Cali Dhabokeen (Fiiloow) waxaana uu yiri “waxaan rabaa in aan idiin sheego in la’idinka rabo in aad 45 casho kusoo doorataan Ugaas Mujaahid ah oo diinta u shaqeeyo hadii kale Kismaayo ma wada joogeyno.”
Sidoo kale, waxaa halkaasi ka hadalay oday dhaqameedyo ka tirsan beesha Talxe oo uu ka mid ahaa Nabdoon Cabdi Shiiloow, ayada oo hadaladii ay odayaasha halkaas ka jeediyeena uu ka mid ahaa “diyaar ayaan u nahay in aan fulino amarka kasoo baxay maamulka Al-shabaab oo aan ugaas soo doorano, beri laga bilaabana waxaan raadin doonaa ninkii ugaas looga dhigi lahaa beesha Talxe.”
Ugu danbeytii, waxaa hadalka soo xiray Liic Maxmed Jibriil oo ka mid ah saraakiisha Al-shabaabka Kismaayo ee beesha Talxe, waxuuna sheegay in hadii ay odayaasha kusoo dooran waayaan 45 cisho Ugaas in ay raali ka yahiin waxa ka socodo Muqdisho talaabo cadna laga qaadi doono.
Kulanka oo ahaa mid xooga lagu keenay odayaasha qaar ka mid ah ayaa ku soo idlaaday hanjabaad iyo cagajogleyn, lamana oga talaabad ay qaadi doonaan odayaasha Talxe ee Kismaayo ee lagu amaray in ay si deg-deg ah ugaas ugaas usoo doortaan.
Al-shabaab ay waxay mudooyinkaan danbaba wadeen qorshe ay rabaan in ay ku bedelaan dhaqanka beelaha Somalida ee jooga Muqdisho waana siyaasad hor leh oo aan lagu aqoonin kooxda Al-shabaab oo dagaal qaraar kula jirto xoogagga dowladda KMG ah ee Soomaaiya oo gacan ka helaya kuwa dowladaha Kenya iyo Itoobiya.
———–
Cabdiqani Maxamed Bayoow, Muqdisho/Somalia.
