Barre Hiiraale oo Kulamo Xasaasi ah Muqdisho Kula Qaatay Saraakiisha Ciidamada Dowlada Soomaaliya
Col Barre Aadan Shire Hiiraale oo Kamid ah Saraakiisha Dowlada Federaalka Soomaaliya ee dagaalada Qaraar lasoo galay Malayshiyaadka Kooxda Shabaab oo haatan ku sugan Magaalada Muqdisho ee Caasimada Soomaaliya ayaa Kulamo is daba jooga la qaadanaya Saraakiisha Dowlada Soomaaliya eeku sugan Magaalada Muqdishi.
Barre Hiiraale ayaa Maalmahii ugu danbeeyay kulamo is daba jooga qaadanayay Saraakiisha Hogaamisa Ciidamada Dowlada Federaalka Soomaaliya e ku sugan Magaalada Muqdisho, labada dhinac ayaa ka wada hadlay dagaalada Iminka soconaya qaybo kamid ah Gobolada Jubooyinka iyo Gedo kuwaasoo lagu sifaynayo Haraadiga Xarakada Shabaab.
Mid Kamid ah Saraakiisha Ciidamada Dowlada oo kulanka la qaatay Col Barre Hiiraale ayaa sheegay inay isku afgarteen sidii Maamul loogu samayn lahaa Gobolada Jubooyinka Iyo gedo kaasoo ay u dhanyihiin Beelaha daga Goboladaasi si looga hor tagi dhibaato ka iman karta Malayshiyaadka is feer yaacaya ee haatan ku wajahan Magaalada Kismaayo.
Saraalkani ka gaabsaday in Magaciisa lagu qoro Boggan ayaa Tibaxay qabsashada Magaalada Kismaayo ee Ciidamada Huwanta ay guul u tahay dagaalada Al-shabaab lagula jiro ee ka soconaya Gobolada Koonfureed isla markaana loo baahanyahay inta aysan amaanku faraha ka bixin in Maamul loo dhanyahay loo sameeyo.
Barre aadan shire ayaa la filayaa inuu Maalmaha Fooda nagu soo haya Gaaro Magaalada Kismaayo ka hor inta uusan Aadin Xajka, waxaana suura gal ah inay isku raacaan Taliyahay Ciidamada Dowlada Soomaaliya Gen C/qaadir Sheekh Cali Diini, waxaana warar lagu kalsoonyahay sheegayaan inaysan Raali ka ahayn Imaanshaha Magaalada Kismaayo ee Barre Hiiraale Dowlada Kenya iyo Malayshiyaadka Raaskambooniyinta oo Horay Xiriir ula lahaan jira Malayshiyaadkii jabay ee Al-shabab ka hor intii aysan siyaasada ku kala boodin.
Isku soo wada duuboo Kulamada iyo Dhaqdhaqaaqyada uu wado Barre Hiiraale ayaa qayb ka ah howlo lagu doonayo in maamul loogu sameeyo Gobolada Jubbaland.
