Dagaalkii Kismaayo oo dhamaaday iyo Bare Hiiraale oo gaaray deegaanka Beexaani
June 29, 2013
(Ogadentoday Press)- Waxaa gabi ahaanba joogsaday dagaalkii Kismaayo ka bilowday saaka subaxnimadii, isbahaysigii Shabaab iyo kooxdii Bare Hiiraale ayaa si rasmi ah uga baxay magaalada Kismaayo,
Saraakiil uu ka mid yahay Cabdi Cigaal ayaa iyagana isu dhiibay ugaas Beesha Sade,
warshadii Hilibka ayaa gacanta hada soo gashay sidoo kale sadax gaarii oo dhashiike ah iyo gaari saad ah ayaa lagu dhexqabtay dhismaha warshada hilibka
Ciidanka maamulka Jubaland ayaa sidoo kale joojiyay madaafiic ay la dhacayeen xaafada Guulwade oo xarun u ahayd ciidanka Bare Hiiraale,
Odoyaal iyo waxgarad beesha sade Mareexaan ayaa codsaday in madaafiicda laga joojiyo xaafada ka dib markii la xaqiijiyay in Bare Hiiraale uu xaafada ka baxay,
Idaacada u shaqaynaysay Bare Hiiraale ayaa la sheegayaa in laga soo qabtay gurigiisa oo saaka qasaare xoogan uu soo gaaray ka dib markii lala dhacay hoobiyayaal,
Ilo kale oo xog ogaal ah ayaa sheegaya in Bare Hiiiraale, Iftiin Baasto iyo amiiradii Al-shabaab ay gaareen tuulada Beexaan oo 30Km u jirta magaalada Kismaayo
geerida inta la hubo waxaa lagu arkay warshada hilibka 7 mayd iyo 19 dhaawac ah
Sidoo kale waxa ala xaqiijiyay geerida sarkaal ka tirsan maamulka jubaland oo magaciisa aanan helin
Wararkan waxaa si toos ah u soo tabinaya wariyayaasha shabakadaha Afmadowtimes.org iyo Danwaanews oo goobta dagaalka ku sugan
Xigasho: afmadowtimes
http://ogadentoday.com/news.php?readmore=9198