Dhakhtarka SHIFO ee Magaaladda Ceerigaabo oo Dhakhaatiir heer sare ahi soo gaadhay
Ceerigaabo( Sanaag.org) Cusbitaalka SHIFO ee magaaladda Ceerigaabo xarunta gobolka Sanaag, waxa uu ka kooban yahay labo dhisme oo ay kala dhiseen Hay’addaha Manhal iyo Hay’adda Qarnul ifriiqiya.
Dhismaha hore ee Manhal ayaa waxa la dhisay muddo haatan laga joogo saddex sanadood, Custaalka oo lahaa qaybaha qaliinka iyo waadh wayn oo dadka bukaan jiifka la jiifin jiray.
Waqtigan xaadirka ah ayaa Hay’adda Qarnul Ifriiqiya ku kordhisay cusbitaalka qayb wayn oo kale oo dhamaan laga helaayo adeegyadda dhakhaatiir u baahan tahay sida meelo loogu tagalay Qaybaha qaliinka kala duwan, bukaan jiifka.
Hadaba gudida horuumarinta gobolka Sanaag ee magaaladda ceerigaabo ayaa Shabakada wararka ee Sanaag .org u xaqii jiyey in xaaladdii caafimaad daro ee gobolka waayadan danbe la soo deristay laga raystay, intii cusbitaalka SHIFO qaybtiisa labaad la dhisay, anuna samaynay ka gudi ahaan xidhiidho badan sidii xal loogu heli lahaa dayacii dadka ka haystay dhakhtar la’aanta, iyadoo caado inoo ahayd in dadka dhaawac ama dhib kale soo food saarto loola carari jiray magaalooyinka deriskeena ah ee Burco iyo Hargaysa iyadoo gobolku aanu lahay xataa xarun Umulu sooyinka, maalinkasta gawaadhida cusbitaalka wayn ayaa lagula cararijiray marka gabadhi in badani foolato ama shir kale oo culusi dhaco .
Waxa xusid mudan dhakhtarkii ka horayey dhakhaatiirtan hadda cusbitaalka la keenay oo Masaari ahaa ee magaciisa la odhan jiray Maxamed Cabdi Wahaab Maxamed musfata ayaa waxa loo keenay gadhab dadka laga tira badan yahay eeku dhaqan magaaladda Ceerigaabo oo hore Shan caruuri uga dhimatay, cilad sinaheeda oo yaraa awgeed, qaliimadii hore oo lagu samayey markasta uu Ilmuhu kaga dhimanaayey oo saas shan qof kaga dhimatay ayaa dhakhtarkan Masriga ahi ku samayey qaliin markii loo keenayba halkaasna ku badbaadiyey ilmihii yaraa iyo hooyaddiiba oo dhibaato badani ka soo gaadhi jirtay fooshaa faraha badan, sidaa Shabakadda Wararka ee Sanaag.org waxa u xaqiijiyey gudoomiyaha gudida horuumarinta gobolka Sanaag Mudane Cabdilaahi Axmed Daamur oo xafiiskooda Magaaladda Ceerigaabo manta ku qabtay shir jaraaidka oo ay gudidu kaga xor waramaysay geedi socodka howlaha horuumarineed ee gudidu u hayso bulshadda reer Sanaag.
Waxa gudidu raacisay intaa Haayadda ka taageertay dhismaha cusbitaalka SHIFO iyo qarashaadka ku baxday dhan 108.000 $ ( boqol iyo sided kun oo doolarka maraykan ka ah.) waxa kale oo hadda ay gudidu gacanta ku haysaa dhisamayaal kale oo lagu kordhinaayo Cusbitaalka SHIFO oo qarashaadka lagu sii bilaabay uu ugu deeqay Cusbitaalka xaq laha shirka xawilaadda lacagaha ee Dahabshiil Mudane Maxamed Siciid Ducaale, lacagtaas oo gaadhaysay 10600 $ ( kun iyo lix boqol oo doolar) halkaas oo gudidu cadaysay inuu jiro dadka ugu horey taageerooyinka horuumarineed kala qayb qaatay.
Gudida horuumarinta oo xidhiidh la leh gudiyada horuumarineed ee gobolka Sanaag ee ka jira dalka debediisa ayaa la waydiiyey in waxay la qabteen ilaa hadda, ayaa saxaafadda u cadayey inaan wax taagero ah aanay ka helin dhamaan gudidayada qurba jooga ee gobolka Sanaag balse ay waan waan horuumarineed oo danaha gobolka ku saabsani ay u socoto.
Waxa kale oo la waydiiyey miyaanay gudiyadda qurba jooga ahi idinka taageerin furitaankii jaamacadda ? balse gudidu waxay saxaafadda u cadaysay inay wax taageero ooh ore aanay ka helin balse ay wadda xaajood ku jiraan dhamaan gudida qurba jooga ah ee gobolka Sanaag.
Gudida horuumarinta gobolka Sanaag ee magaaladda Ceerigaabo xaruntoodu tahay ayaa ah dadka ugu dhaq dhaqaaqa badan arimaha horuumarinta gobolka Sanaag iyodoo bulshadu u haysatay inay taageero buuxda ka gudiyada kale ee qurba jooga ah, taasna ay bulshadda shaaca uga qaadeen manta.
Si kastaba ha ahaatee cusbitaalka cusub ee SHIFO oo dhowaan xadhiga laga jaray ayaa waxa uu bulshada reer Sanaag u soo kordhiyey faaiidooyin fara badan oo aan lasoo koobi Karin taas oo laga raystay dhibaatooyinka bulshada ka haysatay cusbitaal si fiican u shaqaynaaya aanay hore magaaladda Ceerigaabo u lahayn.
Cusbitaalkan SHIFO haatan waxa ku sugan labo dhakhtar oo kala ah Maxamed Ismaaciil Tuke oo dhakhtar lafaha ah iyo Maxamed Salaad ( Oow Biraye ) oo dhakhtar qaliinka guud ah, iyagoo magaaladda Ceerigaabo joogi doona mudda dheer.
Dad wayne aad u tiro badan ayaa xarunta cusbitaalka SHIFO ku sugan kuwaas oo u diyaar garoobaaya sidii dhaqaatir tani wax uga qaban lahaayeen cabashooyinkooda ku saabsan caafimaad daradooda.
Ducfad labaad oo dhakhaatiir ah ayaa daba socota dhakhaatiirtan hadda ku sugan magaaladda Ceerigaabo ku waas oo la filaayo inay wax badan ka tari doona dhibaayinka dhakhaatiir la aanneed ee haysatay gobolka Sanaag.
Cumar Siciid Nuur.
sanaag.org reporter
Ceerigaabo/Somaliland
Nuur507@hotmail.com
http://www.sanaag.org/details.asp?id=894&dt=news