Kalfadhigii golaha deegaanka ayaa si rasmi ah maanta markii ugu horeysay uga furmay magaalada Baran (Badhan) ee xarunta gobolka Sanaag ee maamulka Puntland.
Kalfadhigii maanta ayaa waxaa kasoo qaybgalay duqa degmada Baran ahan Guddomiyaha golaha deegaanka degmada Cabdirisaaq Axmed Ciise,xubno ka tirsan golaha deegaanka,culuma’udiin,ganacsato iyo qaybaha kala duwan ee bulshada.
Guddoomiyaha golaha deegaanka ahna duqa degmada Baran Cabdirisaaq Axmed Ciise oo u waramay Horseed Media isagoo ku sugan degmada Baran ayaa sheegay in kalfadhiga golaha deegaanka ee degmada Baran uu si rasmi ah u furmay maanta socona doono muddo shan maalmood ah.
Wuxuu sheegay in ay kalfadhiga ay joogeen xubnihii ka tirsanaa golaha dhamaan balse ay ka maqnaayeen shan xubnood oo u ku sheegay in hawlo caafimaad iyo mid ganacsiba ay kaga maqan yihiin golaha.
Cabdirisaaq ayaa sidoo kale sheegay inta uu socdo kalfadhiga looga doodi doono xeer hoosaadka golaha,xirriirka bulshada,wuxuu intaasi ku daray in qodob kasta oo laga doodo lagu ansixin doono qaab gacan taag ah.
Sidoo kale ayuu sheegay in marka uu soo xirmo kalafadhigoodu ay qaybaha kala duwan ee bulshada u qaybin doonaan nuqulo ku saabsan waxqabadka ay doonayaan in ay u qabtaan qaybaha kala duwan ee bulshada.
Mar ay Horseed Media ay weydiisay Guddoomiyaha golaha deegaanka ahna duqa degmada Baran Cabdirisaaq Axmed Ciise waxa u qabsoomay intii yareyd uu jiray maamulkiisu ayuu sheegay in ay wax ka qabteen in xafiisyada ay bulshada ku qaabili lahaayeen ay qalabeeyeen taasi oo aan hrey u jirin iyo abaaraha jira oo aan ka qaybqaadanay balse inta ka ku sifeeyey in muddo yar uu jiray maamulkoodu ayna jirin waxqab weyn oo ay qabteen.
Si kastaba waa markii ugu horeysay oo golaha deegaanka ee degmada Baran ee gobolka Sanaag ay yeeshaan Kalfadhigii ugu horeeyey xili wax maamul ah oo gole deegaan ah uusan ka jirin muddo 20-sano ah.
Horseed Media
