Wuxuu yidhi.
Gabay caynadiisiyo anoo dhigay culuuntiisba
Anigoo ka caagoo beryahayn caajis igu beermay
Anigoo calooshaba ka jaray curinta suugaanta
Ayuunbaa cod wuxuu iiga yimi samada caadkeeda
An caddeeyo caawoo kalaan weedha celiyaaye
Cirka oo da,aayiyo sidii webi cadhoonaaya
Camalkayga waa laga gartaa caynka iyo wawga
Calaa macarri iyo waa buxtari culimadaydiiye..(2ba gabayaa oo carabtii hore ah)
Cahsrkoodii baa laygu baray cunug anoo wiila
Cabdi aar sidiisaan murtida ugu codeeyaaye
Waxan ahay nin caaniyo aftahan celiya geeraarka
Kuma caytamee gabayga waan camal aqaanaaye
Afartaa sidii caalimkii ma u calaameeyey
Cadan maw talaabshiyo ilaa cidhifyadii rooma
Afar kalena waxaan doonayaa inaan cadeeyaaye
Ceeriga sanaag bari ilaa ceelbuh madaxiisa
Cidhifyada buraan iyo ilaa dhahar cagaarkeeda
Carmaliyo sibaayiyo ilaa calaha guudkooda
Ceelaayo iyo laasqoray badaa carabta sii eega
Cad caddiyo durduri baan salaan u cabiraayaaye
Codkaygaan u sii dhiibayaa caawa beelaha e
Cirkuu tegay oo nafluhu caadka kor u dhaafye
Cilmi iyo tacliin buu nin wali caafimaad bidaye
Codkoo aad midaysaanna waa cudud awoodiiye
Caradiinna inaad beerataan waa wax caadiya e
Caydiga iyo maydiguna waa caynad gooniya e
Cayn kastoo aduunya ahba waad ciirsantiin badiye
Cayrnimo ilaah idinma badin toban kun oo caame
Idinkaa caddaan iyo madow cuudka tiro dheere
Inta aan cadaawuu ku tuman sharafta ciidiinna
Camiroo dhulkiinaa ka dhiga cayka reer dubaye
Cumaalka iyo kuuligu walluu caawa soo geliye
Cimaarada inaad taagataan maaha shey culuse
Maxaa ceel nin leeyahay waqiin idin cayuubaaya
Maxaa loo cidleeyoo dhulkii looga soo cararay
Cali shire haduu noolyahoo caawa nala joogo
Ama dhahar cayowgii fadhiyo la ima ciileene
Cudud bay lahaayeen allaa caadilaa qiraye
War miyaan caruurtay dhaleen curadna soo boodin
Maxaa calal sidoodii jarjaray cidaha waa yaabe!!!!!!!
Dhamaad.