Magaaladda Nayroobi ee Caasimadda Kenaya Waxaa Ka Dhacay Shir wadatashi ah oo ay isugu yimaadeen Ururada Bulshada Jubbaland Shirkan ayaa looga hadalayey Sii loo Anba qaadidi hawlaha la xidhiidha dhisida Maamul Gobaleedka Jubbaland, Shirka waxaa lagu qabtay Hotelka Nomad Ee Magaalda Nairobi.
Shirkaas waxaa ka qayb galay Culumawdiin, Ururada Bulshada Rayidka ah, Golaha Guuritida kumeel gaara ah ee Gobolada Jubbooyinka , Xubnaha maamulka Degmooyinka iyo marti Sharaf kale Waxaa la isku waydaarsaday Talooyin iyo warbixino ku aadan heerka ay marayaan hawlaha Maamul Gobaleedkaas.
Xidhiidhiyaha Mashruuca lagu dhisayo Maamul Goboleedka Jubbaland Prof Maxamed Cabdi Gaandi oo furintaankii shirkaas Khudbad ka jeediyey ayaa si balaaran ooga hadlay heerka ay marayaan hawlah maamul Gobaleedka jubbaland.
Prof Gaandi Waxuu kasoo qayb galaasha shirka u faah faahiyey u jeedada laga leeyahay Dhisida Maamul gobaledka jubbaland ,wuxuuna sheegay in ay tahay mid salka ku haysa Siyaasada xukuumada soomaaliya ee Fedaraalka ah.
“ Waxaa naga hor yimid hawlahan Caqabado badan oo isugu jiray kuwo siyaasi ah iyo kuwo bulsho, balse dhamaantood waan ka guuleysaney “ ayuu yiri Prof Maxamed Cabdi Gaandi .
Profku wuxuu ugu baaqay qaybaha ururada bulshada, Culima awdiinka,Aqoonyahanahada Iyo Ganacsatada Beelaha ku nool Jubbaland in ay u istaagaan sidii habsami loogu fulin lahaa barnaamijyada ku aadan dhismaha maamul Gobaleedka jubbaland taas oo uu sheegay in ay wax badan ka badaleyso Arimaha dhaqaalaha, Amaanka iyo Bulshada Deegeenada uu ka koobanyahay maamulka jubbaland.
Wuxuu kaloo Shirka ka akhriyey Taariikhda Sooyaalka umada soomaaliyeed iyo xiriiradii ay la lahaayeen bulshooyinka Caalamka iyo sida loogu baahanyahay uruurinta Taariikhdaas.
Waxaa kale oo shirka ka hadlay Gudoomiyaha Golaha Guurtida Ku meel gaarka ah ee Jubbaland Sh. Khaliif Guure Cali oo isna ka hadlay Munaasabada ayaa ka warbixiyey Xiriir uu gudiogoodu la leeyahay qaybaha bulshada ku nool Jubbaland iyo sida ay oogu faraxsanyihiin heerka xiligan ay marayaan Hawlaha lagu dhisayo maamul Gobaleedka loo bixiyey Jubbaland .
Gabagabadii Shirka waxaa laga akhriyey Warmurtiyeed ay soo saareen ka qayb galayaashii shirka oo ka koobnaan qodobo ay ka mid yihiin In la xoojiyo midnimada Shacabka deegaanada Jubbaland, in nabad lagu soo dabaalo Gobaldaas iyo in maamul Cadaalada ku dhisan ay yeeshaan Gobolada Jubbaland.
Mudada u socoday Shirku waxaa ka qayb galayaashu ay mar walba isku dhaafsanayeen Fikrado iyo Tusaalooyin ay ku muujinayaan sida ay lam huraanka u tahay in la xoojiyo Xidhiidhka ka dhexeeya dadka dagan deegaanada uu ka koobanahay maamul Gobaleedka jubbaland.
Maamul Gobaleedka Jubbaland Waxa uu ka koobanyahay 3 Gobal oo kala ah Jubbada Hoose,,Jubbada Dhexe iyo Gedo kuwaas oo dhamaantood haatan ay Gacanta ku hayaan Maleeshiyada Al-Shabab .
Codka Jubbaland http://www.jubbalanddf.net
Nagala soo xiriir info@Jubbalanddf.net
