Alshabaab oo dagaalkii Diif ku jabay
10 tikniko ayay kusoo dagaal tageen, waxay kasoo duuleen wadada banka Jiiro soo dhexmarta ee Afmadoow kasoo gasha Diif, daqiiqadihii ugu horeeyey ee dagaalka waxa ay la beeyraqeen farxad markii ay xuduuda ku shubeen 50 askari oo ka tirsan ciidamada Axmed Madoobe
Waxyar unbeey ka ogaayeen duulaanka kusoo fool leh, iyagoo war moog ah ayay baroorsinka dhigteen Diif oo ay wiil ku dileen, labbo kale oo shacab ahna ku afduubteen, waxay isu diyaarinayeen in ay xoolo ka qaniimeystaan boqolaalka reer Miyiga ah ee kumanaanka xoolaha ah ka waraabsanayay dawda cusub ee Diif
Laakiin maxaa ku dhacaya?
Ciidamadnii Axmed Madoobe oo lagu qiyaaso kun iyo dhowr boqol oo Askari oo intooda badan fadhiyey deegaanka Dhadhajabuula ayaa duulaan kusoo kiciyey Diif oo markaasi waxoogaa ay xabadii istaagtey
Meydka Shabaabka 7 ayaa laga tiriyey, baabuurtii ay wateena midkood ayaa la gubey, firxadkoodana waxa uu gaaray Banka Jiiro iyo Afmadoow, qaar ka mid ah dhaawacyadooda ayaa la geeyey Isbitaalka Afmadoow iyo Kismaayowuxuu ahaa dagaal ay ku dhadhamiyeen dareenka geerida iyo xanuunka maarta ay dadka ku cabsi galiyaan.
Maalin ka hor ayay ku goodiyeen in ay Axmed Madoobe madaxa kasoo jarayaan islamarkaasina geyn doonaan Afmadoow iyagoo ku hanjabay in aysan jirin cid aasi karta meydkiisa, laakiin waxaa hadda muuqda cida meydkooda bahalada loo tuureyMaanta Diif waa ay degentahay, waxaana dib ugu soo laabtay xooladhaqatadii ceelka ka cabayay kuwaasoo kala cararay markii uu dagaalka dhacay Lama oga talaabada xigta, laakiin wararka aan heleyno waxa ay sheegayaan in ciidamo dheeraad ah ay sugayaan ciidamada Axmed Madoobe ka hor inta aysan Dhoobleey ku kicinin dagaal kama dambeys ah.
Kismaayood.com
