Faysal Axmed Xawar oo ku Guuleystay in Dib loo Dhiso Dekeda Magaaladda Laasqoray.
Posted by Lee Heelo on December 5, 2010 in Warar | 14 Comments
Madaxweynaha Maamul Goboleedka Puntland C/raxmaan Faroole ayaa dhawaan Idaacada BBC-da Wareysi uu siiyay ku sheegay in ay Dalka Kuwait ka haleen Mashruuc lagu maalgalinayo Deegaano katirsan Puntland oo kamid tahay Dhisida Marsada Laasqoray oo uu sheegay in ay ka dhigi doonaan meel yar oo ay kusoo xidhaan Doonyaha Kalluumeysiga.
Hadaba Wararka aanu ka helayo Mashruuca dib loogu dhisayo Dekeda Magaaladda Laasqoray ee uu Sheegay Faroole ayaa waxay sheegayaan in Mashruucan ay soo xidheen Shakhsiyaad kasoo jeeda Deegaanka Maakhir kuwaas oo mudo dheer ka daba wareegayay sidii Dowladda Kuwait uga caawin lahayd dhisida Dekeda Laasqoray.
Ganacsade Faysal Axmed Xawar oo ku xidhan Aqalka Madaxtooyada ee looga taliyo Dalka Kuwait ayaa waxaa la aaminsan yahay inuu kamid yahay ragga soo xidhay Mashruuca dib loogu dhisayo Dekada Laasqoray.
Dad badan oo reer maakhir amaba reer Puntland ah ayaa waxay u nisbeeyaan Mashruucan dib loogu dhisayo Dekeda Magaaladda Laasqoray in ay maamulka puntland soo dhameysay basle waxaan dadkaas u sheegaynaa in mashruucan ay soo xidheen dad kasoo jeeda Gobolada Maakhir oo u dhabar adeygay sidii ay mar qudha uga dhisi lahaayeen Dekada Magaaladda Laasqoray.
Maamul Goboleedka Puntland haduu dhisayo Dekada Magaaladda Laasqoray dhaaxo ayaa wax ka qaban lahaa teedakale iskaba daa wuxuu dhisee waxa uu Maamulka Puntland cunay gaar ahan markii Cadde Muuse Madaxweyna ahaa Lacag Dowladd dhexe u qorsheysay Dekada Laasqoray.
Mashruucan ayaa haduu meel maro oo lagu guuleysto ayaa waxaa meesha ka bixi doono Mashruucii daba dheeraday ee dadka Reer Maakhir Mudada badan ka dhursugayeen ee dib loogu dhisay Dekeda Magaaladda Laasqoray ee ay gacanta ku haysay Hay’adda Horn Relief.
LaasqorayNet-
Maakhir