ما شاء الله
بسم الله الرحمن الرحيم
Madaxweynaha Dawlad Gobaledka Galmudug Gen: Cabdi Xasan Cawaale Qaybdiid Ayaa Maanta dib ugu soo labtay Magaalada Gaalkacyo.
Wafdi uu hugaaminayo Madaxweynaha Dawlad Gobaledka Galmudug Sareeye Gaas Cabdi Xasan Cawaale Qaybdiid ayaa Maanta Dib ugu soo laabtay Magaalada Gaalkacyo ee Xarunta Galmudug, Ayadoona si heer sare ah ay u soo dhaweeyeen Masuuliyiin, Waxgarad, Aqoonyahano, Siyaasiyiin, Saraakiisha Ciidamada kala duwan, Ururada bulshada Sida Haweenka iyo Dhalinyarada, waxaana loo soo galbiyay Hotelka Embassy.
Xaflad gaaban ayaa lagu qabtay Holka Embassy ugu horeyna Waxaa ka hadlay Wasiirka Dastuurka iyo dib u heshiisiinta Galmudug Xasan Faarax Bare Asagoona soo dhaweeyay Madaxweynaha Galmudug waxa uuna sidoo kale u mahad celiyay dhamaan intii ka soo qayb gashay Soo dhaweynta, sidoo kale Waxaa halkaasi ka hadlay Madaxweyne ku xigeenka Galmudug Cabdi samad Nuur Guuleed waxa uuna dhankiisa soo dhaweyn u fidiyay Madaxweyne Gen: Cabdi Xasan Cawaale Qaybdiid.
Ugu danbeytii Madaxweynaha Galmudug Sareeye Gaaz Cabdi Xasan Cawaale Qaybdiid ayaa ka hadlay Xaflada, Asagoona ugu hooreyn u mahad celiyay Madaxda iyo Shacabka Galmudug Sida wanaagsan ay u soo dhaweeyeen, Waxa uuna dhanka kale sheegay in Madaxda Dawlada KMG Soomaaliya ay soo dhaweeyeen isbadalka ka dhacay Galmudug iyo Madaxweynaha loo doortay, Waxa uuna sheegay in qudbada nuxurkeeda uu ku shaacin doono maalinta bari ah oo munaasabado farabadan ay jiraan sida Sanad Guurada 7aad ee Galmudug iyo Dhaarinta Madaxda Cusub.
Sikastaba ha ahaatee Maalinta bari ah ayaa lagu balan sanyahay in la qabto munaasabad lagu dhaarinayo Madaxweynaha iyo Madaxweyne ku xigeenka Galmudug islamarkaana Xilka uu kula wareegayo Madaxweyne Cabdi Xasan Cawaale Qaybdiid.
Kala Xiriir
Hobyo Media Network Gaalkacyo iyo Ceelguula, Galmudug, Somalia
E-mail: hobyoradio@hotmail.com ama hobyoradio@gmail.com
