http://lasanod.com/details.php?num=2356
Laascaanood-Garaad Jaamac Garaad Ismaaciil oo beesha Jaamac siyaad u dooratay hogaanka boqortooyada beesha Jaamac Siyaad ayaa saaka lagu caleemasaaray Qasriga wayn ee uu ka deganyahay magaalada Laascaanood halkaasoo laga sameeyay munaasibad balaadhan-
Munaasibadan oo ay ka qayb galeen ergooyin badan oo ka kala yimi deegaamada gobolada SSc iyadoona aynan suurta gelin inay madasha soo gaadhaan isimadii SSC sababo cabudhin ka timi maamulka magaalada haysta kaasoo diiday inuu furo wadooyinka magaalada sidii ay madasha usoo gaadhi lahaayeen ergooyinku.
Garaadka ayaa lagu caano shubay iaydoo caanaha garaadka ay ku butaaciyeen 8da caaqil ee beesha jaamac Siyaad,
Caaqil axmed hoolif oo madasha ka hadlay ayaa sheegay in ay u garteen garaad jaamac garaad ismaaciil inuu noqdo garaadka beesha,isagoo kasoo bixi kara masuuliyada xilka la saaray Halkan Ka dhegayso khudbadii Caaqil Axmed Hoolif uu madasha caleemasaarka ka jeediyay
Dhegaysi Khudbadii Axmed Hoolif
Sidoo kale cuqaasha beesha ee Siciid Cashuur Abyan,Xasan Warsame Aadan,Salaad,Yuusuf Sulub Garbiye,iyo wakiil caaqil cabdirashiid nuur jabdhurwaa oo madasha ka hadlay ayaa dhamaantood guul la gaadhay ku tilmaamay caleema saarka Garaadka oo maanta dhacday.
Sidoo kale marti sharaf ka kala yimi qurbaha oo madasha ku sugnaa kana hadlay ayaa garaadka ugu hanbalyeey uguna duceeyay inuu ilaahay la garab galo xilkaas loo caleemasaaray Faarax ciise cabdi oo madasha ka hadlay ayaa garaadka u jeediyay dardaaran iyo hadalo dhaxal gal ah halkan ka
dhegayso khudbadii Faarax ciise cabdi
Gabagabadii madashii lagu caleemasaaray Garaad Jaamac Garaad ISmaaciil Ducaale ayaa garaadka loo galbiyay si magaalada loo dhexmariyo,iyadoo shacabka ku dhaqan magaaladu ay iskugu soo baxeen fagaarayaasha magaalada si ay usoo dhaweeyaan garaadka iyagoo caleemo qoyan ruxayay.
