Garoowe: (pp)- Xildhibaan Faarax Sulub Jaamac oo ka mid ah baarlamaanka Dowlada Puntland kana soo jeeda gobalka Cayn ayaa maanta ka warbixiyay safaro ay ku soo mareen gobolka Cayn, isla markaasna canbaareeyey maamulka Somaliland.
Mudanahan oo shir jaraa’id ku qabtay xarrunta baarlamaanka Puntland ee Garoowe ayaa ka waramay nabad-galyada degaanadaasi ,isagoona sheegay in wafti uu ku jiray oo ka koobnaa Wasiiro ,Saraakiiisha amniga iyo Xildhibaano ay soo indho indheeyeen xaaladaha guud ee ka jira gobolka Cayn.
Mudane Faarax Sulub ayaa canbaarayn u jeediyey goobaha ay gacanta ku hayaan kooxaha deegaanka ka soo jeeda oo taageera maamulka Siilaanyo, isagoo intaas ku daray inay sii xumaanayso goobaha caafimaadka iyo Waxbarashada ee Deegeenada ay ku sugan yihiin kuwa taageersan maamulka Somaliland.
Madaxweynaha Somaliland ayuu ku eedeeyey inuu ka danbeeyo dhibaatooyin badan oo ka dhacay deegaanka Cayn, isagoo ku sheegay in deegaanadaas uu maamulka Siilaanyo uu ka fuliyey gumaad aan loo meel dayin ayna ku dadaalayaan inay Maxkamad caalamiya la tiigsadaan.
Mar uu ka hadlayey shir kal hore ay maamulka somalilandku qabteen deegaanka widh widh ayuu ku sheegay mid aan jirin oo ay sameeyeen kuwo danaystayaal ah , laakiin shacabka deegaankaassi ay taageersan yihiin Maamulka Puntland oo ay wax ka dhisteen.
Xildhibaan Sulub ayaa intaas ku daray in ka go’an tahay Dowlada Puntland gacan kusoo dhigida goobaha hadda ka maqan ,wuxuuna intaasi ku daray inay hadda Puntland qorshaha ugu jirta dib u soo celinta iyo iska caabinta Maamulka somaliland.
Sikasta, mudanahan ayaa sheegay oo kaliya dhibaatooyinka ka jira deegaanka Cayn iyo gumaadyadii ay ka sameeyeen Maamulka Siilaanyo, iyo dadka ku ku nool deegaanka Cayn in ay taageersan yihiin Puntland iyo isagoo afka ku dhuftay in Puntland ay soo ceshanayso magaalooyinka maqan, laakiin ma sheegin waqtiga ay damacsan yihiin inay xoreeyaan deegaanada ka maqan Puntland ee gacanta ugu jira Kooxo taageera Somaliland oo deegaanka u dhashay.
Siciid C/salaam Siciid
Garoowe Puntland
