Welcome to SomaliNet Forums, a friendly and gigantic Somali centric active community. Login to hide this block

You are currently viewing this page as a guest. By joining our community you will have the ability to post topics, ask questions, educate others, use the advanced search, subscribe to threads and access many, many other features. Registration is quick, simple and absolutely free. Join SomaliNet forums today! Please note that registered members with over 50 posts see no ads whatsoever! Are you new to SomaliNet? These forums with millions of posts are just one section of a much larger site. Just visit the front page and use the top links to explore deep into SomaliNet oasis, Somali singles, Somali business directory, Somali job bank and much more. Click here to login. If you need to reset your password, click here. If you have any problems with the registration process or your account login, please contact us.

Geeska Bari ma lays Gallay!

Gabayada iyo dadka Gabya

Moderators: Moderators, Junior Moderators, Islam mods

OUR SPONSOR: LOGIN TO HIDE
KeligiiJabhad
SomaliNetizen
SomaliNetizen
Posts: 939
Joined: Mon Oct 22, 2007 8:38 am
Location: TURMO

Geeska Bari ma lays Gallay!

Postby KeligiiJabhad » Thu Nov 29, 2007 6:11 pm

(JIIFTO): "Geeska bari ma lay is galay"
Ibraahin Yuusuf Axmed ' Hawd"
November 26, 2007

Geeska Bari ma lays galay

Colku Xamar ma gayllamay

Toban gaas ma lagu furay

Markay guuto dhimataba

Gurmad kale ma soo dhacay

Gantaaluhu ma xiimeen

Gaban iyo duq guxusha ah

Gabadh iyo gayaankeed

Ummul jiifta gurigii

Gawraca ma laga simay

Ma gumaaday nacabkii

Birtu dhiig ma gobo tidhi

Reer galbeed ma dirireen

Guluf adag ma keeneen

Kiristaanku garabiyo

Gacan ma isa siiyeen

Nacayb gaaxsanaan jiray

Gaaladu ma daaceen

Utun hore ma goosteen

Ma godleen mishiinnada

Cirka gedef ma saareen

Badda gaadh ma ka hayaan

Waa ged lagu yaqaannaye

Galabtana ma hiisheen

Tigree ma u gargaareen

Hubka nooca gaarka ah

Ma u gacala miiseen

Dulmi garab og weeyee

Gabre ma iga loogsaday

Haddii aanan guul helin

Gibirkiina may hadhay!

Gabagabaha hoogga leh

Waxa goofka mayd yaal

Gorgorradu ha haageen

Waxa maato goob wadhan

Gaajiyo harraad qaba

Ma la qariyey godabaha

Ma go’doomay wariyuhu

Dadka ruuxa garasho leh

Car gilgilo ma lagu yidhi

Garbaduub ma loo xidhay

Damiirkuna galiilyada

Ma qaniinay gawsaha

Xaqdarrada geyiga taal

Ma gariirtay samadii

Duniduna ma gudhan tahay!

Markuu geesi haajiray

Guufannays ma loo tegay

Dhuqurjaa ma loo galay

Gocor caadaqaate ah

Xaqa laga gabbaanaday

Gadhwadeen ma laga dhigay

Sharaftii markuu gaday

Ciiddii markuu gubay

Markuu dhiigga gororsaday

Gunnimada abaalkeed

Gob baad tahay ma lagu yidhi!

Xaqudirir ma gaardiyey

Xeryihii gadaannaa

Gucle-orod ma lagu galay

Kurka cadawga laga guray

Gidaarrada ma quban yahay

Bakhtigii ma gegan yahay

Xabashiga guntiga xumi

Durba go’ay ma lee yahay!

Halgan yahow ha gaaggixin

Gelin qudha ha gaasirin

Gama iyo hurdaba daa

Weerarrada galaabixi

Ku galgalo wayaanaha

Axmed-Guray geddiisii

Cad gumeed gayeysii

Naftu goor ma dhaaftee

Geerida xalaalee

Geelba waad u dhimataye

Geyigaaga soo dhici

Gobannimo ku geeraar

Markaad guusha hanatana

Goonyaha u sii faaf

Gudub oo dhul kale gaadh

Gaaddada arlada mari

Goday iyo galbeed qabo

Barta goodku yuururo

Godka halaqu jiifsado

Hootada ku giringiri

Ku garaac garnayllada

Addis gelelef oo jiidh

Gudaheeda baadhbaadh

Gabaarrayda dilatiyo

Gafanaha ka googgoo

Melesoow garaad xume

Gardarrooyinkaagii

Gobolkeennu degi waa

Godobtaada ciirciir

Gashigaaga buuxdhaaf

Gacanyare inaad tahay

Shisheeyuhu ku guuraan

Ku gabraarto naasigu (nazi)

Lagu gubo sokeeyaha

Xaajadaada loo garay

Lagu gaabi sheekada

Weligaaba gurigiyo

Deriskaaga guulguul

Tunka giir ka kaakici

Geesi daran ismoodmood

Gumaysiga la duubnaw

Hadba geed ku loohnaw

Sidii garacyadii hore

Mar baan gooni kaa heli

God abeeso noqotoo

Garan wayday samehee

Shicibkaagi soo guray

Isu gee xaqiisii

Gujadii ka waynaa

Golqaniinki kaa diid

Godli waa maqaarkii

Gadmi wayday beentii

Ka gadood xumaantii

Dabarkiina soo goo

La fur gunudyadaadii

Burjigiina kaa guur

Cimrigaagi gaabnaa

Gabbalkaagu sii ciir

Arrin gelindambeedaw

Mid kaloo gunaanada

Aan ku gooyo hadalkee

Isagoo gubtahanyada

Garan waayey eedaha

Dadku ula gudboon yahay

Waxaa gooni uga dhigay

Wuxuu yidhi nin gedo hore

Gardarrada ka dhiidhiyey:

Gole lagu cargeegtamay

Gabay loogu baratamay

Anigiyo rag ila guya

Ninba geystay tamartii

Gudboon baannu noqonnee

Maxaa aniga gaar iyo

Gorgor baal cad iga dhigay?*

Anna galabta waxaan idhi:

Gocashada la wada qabo

Nabarrada gunaadka ah

Taariikhda guunka ah

Sida buurihii golis

Weligeed geyiga tiil

Guuldarrooyinkoo dhami

Geedka ay ka beermaan

Dhala midhaha geerida

Aynu wada gorfaynnee

Gar allee caddaanoow

Haddii beri gumaysiga

In la gooyo xididdada

Dhaar lagu guddoonsaday

Nin galbeed la wada nacay

Naga guur la wada yidhi

Gumac loogu babacdhigay

Gobannimo la wada helay

Aadmigu gudboonaa

Maxaa laygu galayoo

Soomaali gaar u ah

Muxuu reerku galabsaday?

Arrimahan guntoodiyo

Runta ma isla goobnaa

Guddi culus ma saarraa?

________________________________
*Qisadu waxay xiganaysaa tixdii “Tuke baal cad” ee Hadraawi gunaanadkeeduna ahaa:

Intayada baraarkiyo
Burrusyada ku joogtaa
Barbarraanu noqonnee
Maxaa aniga baas iyo
Tuke baal cad iga dhigay?

OUR SPONSOR: LOGIN TO HIDE

Hello, Has your question been answered on this page? We hope yes. If not, you can start a new thread and post your question(s). It is free to join. You can also search our over a million pages (just scroll up and use our site-wide search box) or browse the forums.

  • Similar Topics
    Replies
    Views
    Last post

Return to “Literature - Poems and Poets”

Who is online

Users browsing this forum: No registered users and 5 guests