Welwelka ka Soo Cusboonaaday Kacdoonka Ciidanka Qaranka EE Jiidaha Hore.
Ciidamada Qaranka Somaliland oo ka cawday mushaharkooda ayaa saacadba sacada ka danbaysa soo shaac-baxay. Warar lagu kalsoon yahay oo ka imanaya jiidaha hore, xeryaha ciidamada iyo taliyayaasha ciidanka oo caabiyi kari la’ kacdoon ciidameed ayaa soo badanaya. Waxaana jira ciidamo ku dhintay hawlgalo qaran wakhtiyadii ina dhaafay, kuwaas oo xaasaskoodii loo diiday mushaharkii saygooodii geeriyooay. Waxaa cabashooyinkaas ka mid ah, cabashada ka timi Xaali Cismaan Xasan, wuxuu ahaa saygeedii ciidankii ugu horeeyey ee laga soo qaaday gobolka Togdheer, wuxuu ahaa darajada C sanadkii 1994, markii la aasaasay ciidankii ugu horeeyey ee ahaa shanta boqol. Mushaharka xilligaas uu qaadan jiray wuxuu ahaa $200, waxaana uu geeriyooday xilligii ay dagaaladu ka qarxeen Hargeysa. Intii uu geeriyooday illaa sanadkii 2004, waxay xaasku qaadan jireen msuaharkoodii, waxaase laga jaray dhawaan, isaga oo aan la sababayn sababta agoonta looga jaray gunadii yarayd.
Waxaa la sheegayaa cabashooyinka ciidanka ayaa ah, mid aan iminka bilaabmin, laakiin soo taxnayd muddo, waxaana aad moodaa in ay ku soo beegantay xilli xasaasi ah oo uu jiro muran siyaasadeed ka dhex aloosan Somaliland.
Ciidamada Somaliland ee jiida hore ayaa dayac badan ka muuqdaan sida wararku sheegayaan, waxayna naftooda iyo qoysaskoodiiba u badan yihiin in ay helaan mushahar gaadhaya $24.00 bishiiba. Mushaharkaasi wuxuu yahay nolol maalmeedka qoyska, msuhaharka ciidamada qaranka Somaliland. Ciidamada oo aan darajo kala lahayn ayaa u badan, daraja D kuwaas oo musharkoodu noqonayo $24 dollar bishii. Su’aasha an marnaba Baarlamaanka Somaliland is waydiin waxaa weeye, marka ay miisaaniyada ansixinayaan, ma suurtogeli kartaa, in ciidanka qaranka iyo qoysaskoodu ku noolaadaan $24 Doolar.
Waa sabataas ayaa la sheegaya mida ay ugu adkaysan kari la’yihiin in ay ku suganaadaan jiida hore, sidaas awgeedna ay u samaynayaan kacdoonka iyo ammardiida badan. Dhamaan dacalada kala duwan ee buslahada ayaa ku hawlan sidii arrinkaas wax looga qaban lahaa, waxaan todobaadkan ururka ganacsatada Somaliland u qaybiyey ciidanka jiido hore raashin ay ugu talogaleen qoysaska ciidanka.
Xukuumada Somaliland oo culays badani haysto ayaa xagga siyaasada gudaha ayaa hawlgal balaadhan ka samaynaysa hawsha ciidanka, waxayna isku awlayaan sidii loo xakamayn lahaa kacdoonka ciidan ee bilaabmay, tan iyo intii la meelmariyey miisaaniyada oo aan musharkoodii wax isbedel ah lagu samayn.
Kala Soco Somaliland wixii ka soo kordha wararka kacdoonka Ciidanka Qaranka Somaliland.
Somalilandfuture Online
meeshi Jiidi Hore lagu Kala Yaac... every soldier will be heading home to this home town... there 10.000 soldiers in Jiidahore Sool out of those 10k atleast 6000 is HJ 
