$1.5 MILLION FISHERY INVESTMENT INTO EYL

[tightrope]

Wasaaradda Kaluumaysiga oo Mashaaric ka hirgelisay degmada EYL
April 27, 2012 // Warar Somaali

Wasaaradda Kaluumaysiga iyo Kheyraadka Badda ee Puntland ayaa howlo mashaaric ah ka hirgelinaysa degmada EYL ee gobolka Nugaal oo kamid ah degaan xeebeedyada Puntland.

Agaasimaha Wasaaradda Kaluumaysiga C/waaxid Xirsi Joocaar iyo wefdi ka socda Hay’ado dhinaca horumarinta kaluumaysiga Puntland ayaa ku sugan degmada EYL.

Mr.Joocaar oo la hadlay warbaahinta ayaa sheegay in mashaaricda kamid tahay qaboojiye loogu talagalay in lagu keydiyo kaluunka ay Badwaynta kasoo qabsadaan Kaluumaysatada.

Agaasimaha ayaa intaas raaciyey in mashaaricdaas ay ku baxayaan lacag ku dhow $1.5-milyan oo doolar.

Dhinaca kale wuxuu sheegay in Wasaaradda ay ku howlan tahay sidii mashaaric kale uga hirgelin lahayn degaan xeebeedyada Puntland.

Kaluumaysatada Puntland ayaa inta badan ku dhaliila Wasaaradda in aysan wax u qaban iyadoo ay dhibaatooyin kala kulmaan Ciidamada Shisheeye ku sugan xeebaha Soomaaliya markii ay soo kaluumaysanayaan.

http://puntlandnews24.com/wasaaradda-ka ... gmada-eyl/

[FBISOMALIA]

pl

[quark]