Cismaan Caato Oo Markii Ugu Horaysay Eedayn Kulul Usoo Jeediyay Ciidamada Ethiop
(Baydhaba}15.6-7
Xildhibaan Cismaan xasan cali (Cismaan Caato) ayaa ku Edeeyay Ciidamada Ethiopia in gurigiisa ay ka qaateen hanti aad u fara badan oo isugu jirta Lacag,dahab iyo Taleefanada gacanta.
Xildhibaan Cismaan Xasan Cali Caato ayaa sheegay in Ciidamada Ethiopia iyo kuwa dowlada ay gurigiisa kala baxeen Lacag gaadheysa 400 kun oo doolarka Mareykan ah.
Cismaan Caato oo ku sugan Magaalada Baydhaba ayaa sheegay in gurigiisa ay gudaha u galeen, isla markaana ay baadheen, wuxuuna sheegay in ay ka qaataan qalabyo kala duwan oo guriga yiil.
Cismaan Caato ayaa sheegay in saakay Ciidamada Ethiopia Hoygiisa ay baadhitaan ku samyeen,isla markaana ka qaateen Guriga $369Kun oo doolar,4000 kun oo Dirham,Dahab aad u fara badan,Hub iyo Taleefoonadda casriga ee thurayaha
Xildhibaan Caato ayaa waxa uu sheegay in gurigiisa baadheen, ayna ka heleen Hub, wuxuuse sheegay inuu arrinta uu ka xun yahay ay tahay in gurigiisa lagala baxay lacag saacado, taleefano isugu jira Thuraya iyo Nokia, Boorsooyinkiisa oo la jeex jeexay oo uu ku tilmaamay mid xad gudub ku ah xildhibaanimadiisa iyo middiisa iyo shaqsiyadeed ee Soomaalinimo.
"Waa arrin aad looga xumaado, waana mid xad gudub ku ah Dastuurka, waxaa nasiib daro ah in Nin Baarlamaani ah gurigiisa lagala baxo Dahab iyo Boqolaal Kun oo Doolar ah"ayuu yidhi Mr Caato.
Cismaan caato ayaa Ku tilmaamay talaabada hoygiisa lagu baadhay Mid qalad ah oo Meel ka dhac ku ah,sharaftiisa Xildhibaan-nimo,islamarkaana ay mas’uul ka yihiin dad gaar ah oo ka tirsan Madaxda Dowladda .
Xildhibaan Cismaan Caato ayaa wax laga yaabo ku tilmaamay in shakhsiyaad ka tirsan Madaxda Dowlada u adeegsadaan Ciidamada Ethiopia in sharafta looga qaado Mudanyaasha baarlamanka Somalia.
Waxa uu intaasi ku daray in isaga uusan diidaneyn in hubka la qaado hasa yeeshee uu wax ka tabanayo wadiiqada loo soo maray oo uu sheegay in gabi ahaanba ay aheyd mid fool xun.
Hadalka Cismaan Caato ayaa ka dambeeyay ka dib markii saakay Ciidamada Boolis ah ay baadhitaan adag ay ku sameeyeen Hoyga Cismaan Caato oo ku Yaala xaafadda Seybiyaano ee Degmada Hodon.
