Maleeshiyo Iyo Tiknokooyin Lagu Aruurinayo Howdka G/Gaduud Oo Loo Wado Garoowe
Oct 26,2007
byBalanbal-GEDO-NN
Tan iyo markii ay maleeshiyo beeleedyo taagersan maamulka Soomaliland ay qabsadeen magaalada Laascaanood ayaa waxaa soo baxaya warar sheegaya in maleeshiyo ka soo jeeda degaanka gobalka Galgaduud-Bari iyo gawaarida tiknikooyinka lagu diyaarinayo howdka gobalkaasi sida ay xaqiijiyeen nabadoono iyo waxgarad ku sugan degaankaasi.
Wararku waxay kale oo sheegayaan aruurinta aabuleynta maleeshiyooyinka ay si xawli ah ugu socoto degaano badan oo ka tirsan gobalkaasi gaar ahaan xuduudka uu la wadaago gobalkaasi wadanka Itoobiya iyo degaanada ku xeeran. Sidoo kale, dadka degaanka ayaa sheegaya in ilaa iyo hadda in degaanadaasi lagu aruuriyey ilaa iyo ciidan gaaraya 200 oo u badan dadka reer guraaga ah iyo labo gaari oo tikniko ah oo la sheegay in ku biireen ciidamadaasi oo dhowaana la geyn doono magaalada Garoowe.
Mid ka mid ah nabadoonada ku sugan magaalada Balanbal ayaa Gedonet u sheegay inay jiraan kooxo uu ku tilmaamay "inay lacago dhowaan dalka dibadiisa lagu soo daabacay oo ka soo galay dhanka magaalada Garoowe ay ka qeybiniyaan degaanadaasi waqooyiga annaga naga xigga, kooxo la sheegay inay ka wakiil yihiin maamulka beesha Harti ee Garoowe, aysanna ayagu reer Balanbal ahaan aysan wax shaqo ku laheyn".
Nabadoonku waxaa kale oo intaasi raaciyey "In ayaga degaankooda aysan ka jirin wax abaabul oo ku aadan waxa uu ku tilmaamay dagaalo u dhexeeya beesha Dhulbahante dhexdooda oo kale raacsan labada maamul ee ku hardamaya degaanka beesha Laascaanood. Ma ahan markii ugu horeeysay ay dadka degaanka ee Galgaduud Bari ay gacan siiyeen dadka degaanada Puntland oo hadda ka hor uu qabsaday degaankaasi maleeshiyo beeleed uu hogaaminayey allaha u naxariistee marxuum Gen.M Faarax Caydiid.
M M Xasan-Balanbal-GEDO-NN
) have been organized. Most of these men are nomads. These will be in addition to more nomads taken to Gorowe previously" 
