Nayroobi: Wasiirada Difaaca ee Wadamada Bariga Africa oo ku shiray Magaalada Nayroobi.
9. marts 2009
APL
Tool
Send This Article To A Friend By Email | Saaxiibkaa warkaan ugu dir Email
Print This Article | Daabaco warkaan
Nayroobi(AllPuntland)- Wasiirada Gaashaandhiga ee dalalka kuyaala Bariga Africa ayaa wada hadalo ay uga furmeen Magaalada Nayroobi ee xarunta dalka Kenya, waxaana Ujeedada wada hadaladan ay yihiin sidii ay Dalalkaasi usameyn-san lahaayeen Iskaashaan Buursi dhanka ciidamada ah.
Wasiirada Gaashaandhiga ayaa kulankooda, waxa ay uga arinsan doonaan xaalada amaanka ee dalalkooda, ayadoo lasoo qaadi doono sidii loo taageeri lahaa dalka Soomaaliya oo ay dagaalo baabiyeen mudo ka badan 18 sanno oo uusan ka jirin Sharci & Kala dambeyn.
Madaxweyne kuxigeenka Kenya Kalonzo Musyoka ka hadlay amaanka dalalka Bariga Africa, wuxuuna ugu baaqay Wasiiradan in ay ka tashadaan Aayaha dalalka Bariga, wuxuuna sidoo kale tibaaxay in ay isku xiran yihiin danaha dalalka Bariga Africa oo dhan.
Musyoka ayaa ugu baaqay Wasiirada jooga kulanka in ay taageeraan sidii dib habeyn balaaran loogu sameyn lahaa ciidamadii dalka Soomaaliya, oo uu sheegay in ay kala tageen markaasna dalka Soomaaliya loo gaarsiin lahaa Nabad wanaagsan, isagoo ugu baaqay Soomaalidana in ay isku tashadaan oo ay eegaan xaalada ay ku sugan yihiin.
Labada maalmood ee nagu soo fool leh ayuu shirkan ka sii socon doonaa Magaalada Nayroobi, waxaana Soomaaliya uga qeybgalaya Wasiirka Gaashaandhiga ee dawladda Faderaalka ee Soomaaliya Prof. Gaandi.
Arimaha ugu muhiimsan ee ay maanta ka doodeen Wasiirada Gaashaandhiga Bariga Africa ayaa ahaa, sidii ay dalalka Bariga Africa usameysan lahaayeen ciidamo u gaar ah oo leh Hal Taliye, isla markaasna Xarun ka dhigta meeshii ay isku raacaan Wadamada ku haboobay IGAD.
Ciidamadaasi ayaa laysku raacay in loogu magac daro (African Stand by Force (ASF), waxaana laga kala keeni doona ciidamada ka mid noqonaya ciidamadaasi dalalka Uganda, Tanzania, Kenya, Comoros, Djibouti, Burundi, Sudan, Somalia & Rwanda, sida ay isku raaceen Wasiiradaasi.
F. C. Geylan
AllPuntlan
