GAROOWE : Dowlada Hoose ee Magaaladda Garoowe oo maanta ku guuleysatay iney furto Wado Xirneyd ilaa 1948-dii (sawiro)
Posted to the Web Sep 10, 12:38
Garoowe:-Dowlada Hoose ee magaalada Garoowe ayaa waxay bilowday olole ay ku furayso Wadooyinka dheer ee Caasimada Puntland taas oo lagu baneynaya wadooyinka isku xira Magaalada gaar ahaan Xaafada Waabri iyo barxada weyn ee Magaalada Garowe iyo sidii kor loogu qaadi lahaa bilicda Magaalada Garoowe.
Waddo xirnayd in ka badan 60 sano
Howl galkan ayaa waxaa uu ka mid yahay kuwo in dhaweynd laga wadey Wadooyinka Magaalada iyo sidii kor loogu qaaddi lahaa bilicda waddooyinka ay caanka ku tahay Magaalada Garoowe ee Caasimada Puntland ayna u noqon lahayd mid si weyn u soo jiidata in dhaha caalamka.
Duqa Caasumada Garoowe Mudane Cabdiqaadir Cismaan (Foodcade)
Duqa Degmada Garoowe C/qaadir Cismaan Samatar (Fod-cade) ayaa waxaa uu sheegay in hada gacanta lagu hayo Wadada dheer ee isku xirta Xaafada Waabari iyo goobta caanka ah Barxada weyn ee Magaalada, Gudoomiyaha ayaa waxaa uu sheegay in wadada la baneeyay maanta laga dhisay guryo 1948 guryahaas oo uu lahaayeen Allaha u naxariistee Faarax Gaab iyo Gambo wilif oo labaduba dhintay.
Duqa Degmada ayaa wuxuu kaloo sheegay in shacabka ku dhaqan magaalada Garoowe iyo Dowlada Hoose ay is ka kaashadeen burburinta labadaas guri ayaa waxaa uu sheegay in ilaa iyo intii ka dambeysay Dowladii Cabdirishiid Cali Sharmaake, Dowladii Maxamed Siyaad Bare iyo maamuladii hore ee Puntland aysan u suurta galin in la baneeyo wadadaas uuna ku guuleystay Maamulka Cusub ee uu Madaxweynaha ka yahay C/raxmaan Maxamed Faroole oo la is iron karo isbadal weyn ayuu u soo hoyiyay Shacabka Puntland waa sida uu Duqu hadalka u dhigaye.
Mar wax laga weydiiyey Duqa dadkii lahaa labada guri in dhaqaale loogu badalay iyo in kale ayaa waxaa uu sheegay in Shacabka ku dhaqan Caasimada ay u tahay in ay danahooda gaar ka ah ay ka hor mariyaan danaha shacabka ay sharaf u tahay wadanimadooda, wuxuuna sheegay in ay jiraan wax yaalo yar yar oo uusan carabaabin oo la siiyey.
Waddo xirnayd in ka badan 60 sano
Dawlada Hoose ee Degmada Garoowe ayaa muuqata mid ka dhaqdhaqaaq badan tan iyo markii uu ka dhacay Puntland isbadalka siyaasadeed ee hogaanka cusub lagu doortay.
Siciid C/salaan Siciid
Wakiilka Puntlandpost-Garoowe
E-mail loole15@hotmail.com
